Татар эстрадасы йолдызлары “Иске Казанда милли моңнар”, “Йөрәктән йөрәккә”, “Тормышка өмет белән” һәм башка ярдәмгә мохтаҗлар өчен оештырыла торган хәйрия чараларында даими катнаша. Мондый проектлар ай саен диярле булып тора. Күптән түгел “Сәхнә” журналы белән берлектә “Сәхнә йолдызлары” проекты булып узды, октябрьдә “Тормышка өмет белән” хәйрия концерты Сәмирә Дәүләтовага ярдәм итү максатыннан оештырылачак. //Tatar today//
Гөлнара үзе хәйрия концертларында катнашуны уңай күренеш, дип саный. “Хәйрия чараларында катнашу миңа ниндидер өстән иңгән рәхәтлек, тынычлык бирә”, ди җырчы. Күп артистлар катнашкач, бердәмлек хисе арта, иң-иңгә таянып, ярдәм итү теләге туа, дигән фикердә Гөлнара Габидуллина. Аңа үзенә мондый концертларда бик күп катнашырга туры килә икән. “Җаным сызлый… Барысын да йөрәк аша үткәрәм. Балалар өчен чыгыш ясаганда бигрәк тә. Аз булса да, ярдәм тисен иде шуларга, дим. Үзебезнең гаиләдән үткән әйбер бу: энем 1 нче төркем инвалид”, дип хисләре белән бүлешә артист.
— Мең рәхмәт сүзен кемгә әйтәсез? – дигән сорауга, ул:
— Бу тормышта әти-әниемә рәхмәт әйтәм. Аларга Аллаһы Тәгалә исәнлек-саулык насыйп итсен!
28 ноябрь УНИКС концертлар залында “Мең рәхмәт” хәйрия чарасы узачак. Биредә татар эстрадасының танылган җырчылары чыгыш ясаячак. Шулар арасында моңлы сандугач Гөлнара Габидуллина да бар. Килегез, күрегез! Изге эштән сезгә читтән калмыйк!
