http://www.instagram.com/p/BRc6zIgAv0i/?taken-by=tatar__malay

«2017 елның көзендә «Татнефть-Арена»да һәм «Уфа-Арена»да ике датаны билгеләргә тәкъдим итәм. Ике дата сезгә һәм ике — миңа (тик административ көчләрдән башка, «чиста» итеп, билетларны хезмәт хакы хисабына көчләп сатмыйча һ.б.),  дип язды Радик Юльякшин«ВКонтакте»дагы рәсми битендә.

Инде хәзер бу килеп чыккан хәлдә фикерен белдерүчеләр шактый. Салават Фәтхетдиновның Башкортстаннан дусты, эш буенча партнеры, “Хәзинә Тур” оешмасы җитәкчесе Комил Сираҗетдинов җырчыны яклап мондый сүзләр җиткерә.

“Башкортларның һәм татарларның гореф-гадәтләре буенча олылар белән сүзгә килергә ярамый. Илһам Шакиров Салават Фәтхетдиновка канәгатьсезлеген белдерсә, яисә ошамаган якларны әйтсә, ул аңа каршы бармас иде. Мин Радикны күптәннән беләм. Ул вакытта әле аның иҗаты андый зур үрләргә җитмәгән иде дә кебек. Аңа һәм аның иҗатына каршы сүзем дә эшем дә юк. Әмма, «Татнефть-Арена»да һәм «Уфа-Арена»да чыгыш ясауга килгәндә, артистларның анда чыгыш ясауларын, гомумән, хәтерләмим. Ул бит хоккей урыны! Аннан ике җырчының ике төрле аудиториясе. Аларны чагыштыру, уйлавымча, урынсыз һәм дөрес түгел”, дигән.

Запись Салават Фәтхетдинов һәм Elvin Grey арасында болытлар куера: көч сынашуга барып җитәрме? впервые появилась Tatar Today - татар яңалыклары..