Россиянең һәм Татарстанның атказанган артисты Бари Алибасов, аның хатыны, Россиянең халык артисты, театр һәм кино актрисасы Лидия Николаевна Федосеева-Шукшина, Татарстанның атказанган артисты Гүзәл Уразова, аның ире, җырчы Илдар Хәкимов Татарстан Премьер-министры урынбасары – Татарстанның Россиядәге Тулы вәкаләтле вәкиле Равил Әхмәтшин белән очрашкан.

Равил Әхмәтшин Гүзәл белән Илдарны музыкаль продюсер Бари Алибасов белән таныштырган. Бари Алибасов Татарстан артистларына концерт оештыру буенча профессиональ киңәшләрен бирде, заманча шоу-бизнесның кризис шартларында продюсерның уңышлы эше турында сөйләде, күпьеллык уңышлы эшчәнлек тәҗрибәсе белән уртаклашты, диелгән әлеге хәбәрдә.

Бари Алибасов хәзер артистны танытуда интернет төп рольне үтәвен әйткән. “Тыңлаучыны һәм тамашачыны җәлеп итү өчен үзенчәлекле контент, музыка һәм видеоязма кирәк. Гадәтләнгән кысалардан чыгарга, үз аудиторияңне киңәйтергә кирәк”, – дигән ул.

Биредә “Битва хоров” телепроектында катнашучы, бөтенроссия һәм халыкара бәйгеләр лауреаты, җырчы һәм композитор Ләйсән Минһаҗева да булган.

Лидия Николаевна Федосеева-Шукшина Вәкиллекә беренче тапкыр килгән.

Фото: tatmsk.tatarstan.ru

Запись Бари Алибасов Гүзәл Уразовага уңыш өчен нәрсәләр кирәклеген әйтә [фото] впервые появилась Tatar Today - татар яңалыклары..

Моңа кадәр алар ике дистә ел чамасы бергә яшәгән инде. Никахлашу тантанасы Мәскәүдә узган.

Бу — Бари Алибасовның алтынчы никахы, Лидия Федосеева-Шукшинаның исә бишенче тапкыр кияүгә чыгуы.

Алибасов сүзләренчә, Федосеева-Шукшинага карата аның хисләре 1994 елдан бирле сүнмәгән. Ул “беркайчан да,бер кем белән дә шундый күңел якынлыгы, ихласлыгы һәм ышаныч тоймадым”, ди.

Федосеева-Шукшина һәм Алибасов 1995 елда очраша башлаган. Берничә елдан соң алар аерылышкан, ләкин дус булып калганнар. Хәзер алар никахларын рәсми рәвештә теркәгән.

Запись 71 яшьлек Бари Алибасов 80 яшьлек танылган актрисага өйләнә впервые появилась Tatar Today - татар яңалыклары..