Архивы Лилия Салахетдинова - Tatar Today - татар яңалыклары.

Лилия белән Ришат Тимергалиевләр улларына өч вариантта исем сайлый

Лейла — Mon, 18 May 2020 07:12:26 +0000

Алып баручы, шагыйрә Ләйлә Дәүләтова моның хакында инстаграм битендә хәбәр итә.

“Лилия барчагызга да рәхмәт укый, сәламнәрен җибәрә. Әлегә яшь әни улы белән бергә Мэәскәүдә тернәкләндерү үзәгендә. Бәби 7 айдан туды, шуңа күрә врачлар күзәтүе астында булу бик мөһим… Аллага шөкер, хәлләребез әкрен генә алга таба, ди Лилия. Ришат өзелеп көтә үзләрен. Улларына 3 вариантта исем дэ әзерләп куйганнар – Рамазан, Салават, Арслан! Кайсын сайларга белмиләр. Сез кайсы яхшырак дип уйлыйсыз? Мин Рамазан Ришатович шәп яңгырый дип уйлыйм. Ләкин кечкенә бәби хәзер чыннан да Аллаһы Тәгаләнең ярдәменә, врачларның тырышуына, безнең булышуыбызга бик мохтаҗ. Шушы изге Рамазан айларында әлегә могҗизалы балага ярдәм итсәк, алар өчен зур файда, безнең өчен зур савап булыр иде, ничек уйлыйсыз? Фитыр сәдакасын да нәкъ менә ярдәмгә мохтаҗ сабыйга күчерү бик дөрес буладыр. Изге йөрәклеләр өчен Лилиянең сберкарточка номерын куям: 2202200308282373”, – дип язган Ләйлә үзенең инстаграмында.

View this post on Instagram

A post shared by Лейла Давлетова (@leyla_davletova)

Запись Лилия белән Ришат Тимергалиевләр улларына өч вариантта исем сайлый впервые появилась Tatar Today - татар яңалыклары..

Лилия Сәлахетдинованың ире Ришат: “Куркуга карамастан, без тормышны сайладык!”

Лейла — Thu, 14 May 2020 12:10:14 +0000

Табиблар аңа аборт ясарга тәкъдим итә, тик ул Ана булу турында хыяллана һәм — бала патологиясез дөньяга килә.

“Бәллүр леди” Лилия Тимергалиева (Сәлахетдинова) 13 май әни булды. Бала табу Мәскәүдә узды, әнисе дә, улы да үзләрен яхшы хис итә. “Бала җитлекми туган, әмма патологиясез”,-дип сөендерде бүген “Ярдәм” мәчете имам-хатыйбы Илдар Баязитов.

“Малай туды. Буе, авырлыгы күрсәткечләрен белмим. Мин хәзер Казанда, ә ул Мәскәүдә. Кесарево эшләгәнен беләм, аның сеңлесе Әлфия янында. Хатыным белән сөйләшмәдем әле, әлегә ул да, бала да реанимациядә булуын беләм. Апасын аның янына кертмиләр. Әлфия берни дә әйтә алмыйдыр, Мәскәүдә бик катгый режим, анда кертмиләр. Балага исем уйлап тапмадык әле”, – дип уртаклашты безнең белән «Бәллүр леди»ның ире Ришат Тимергалиев.

Ләкин, Илдар хәзрәт сүзләренә караганда, операцияне үткәргән табиблар, сабыйның аппаратта яшәешен саклап калу өчен, алдан ук уйланылган кебек эшләгәннәр. “Баланың параметрлары безгә әлегә әйтмәделәр, әмма ул, әлбәттә, кечкенә, җитлекми туган. Лилия белән барысы да әйбәт,-дип аңлатты „Ярдәм“мәчете имам-хатыйбы. — Без барлык табибларга рәхмәтле, чөнки Лилия – „Ярдәм“ нең бер өлеше, без аның өчен барыбыз да бик шат һәм догалар кылдык, хәзер дә барысы да уңышлы үтсен”

Чыганак: "БИЗНЕС Online".

Запись Лилия Сәлахетдинованың ире Ришат: “Куркуга карамастан, без тормышны сайладык!” впервые появилась Tatar Today - татар яңалыклары..

Көннең матур хәбәрләре: Лилия Сәлахетдинова кияүгә чыга, Рәнис Габбазов әти була

Гузель — Sun, 21 Oct 2018 16:57:16 +0000

21 октябрь шатлыклы вакыйгаларга бай булды.

Бүген күп социаль проектлар авторы, танылган шагыйрә Лилия Сәлахетдинованың никахы булды. Ире Ришат белән ул эшләгән җирендә “Ярдәм” фондында танышкан. Ришат – Казан егете. Никахны “Ярдәм” мәчетендә әлеге мәчетнең имам-хатыйбы Илдар хәзрәт Баязитов укыган, бәйрәм мәҗлесе дә булган.

“Бәхет – ул ике йөрәкнең бер мизгелдә тибеше”, – ди Лилия Сәлахетдинова. Һәм шушы шигъри юлларны яза:

Кышын да катмый чишмәләр,
Сөю дә чишмә кебек!
Йомшак назлы сүз әйтүгә,
Күңелләр китә эреп

Икенче сөенче ул – Рәшит Ваһапов фестиваленең Яшь башкаручылар конкурсы гран-при иясе Рәнис Габбазовның әти булган көне! Бу хәбәрне Инстаграмында ТНВда “Кайнар хит” тапшыруын алып баручы Айсылу Габдинова иң беренчеләрдән булып җиткерә. “Рәнис әти булды! Мин шул кадәр шат! Котлыйм!”, дип Габбазовлар гаиләсенең шатлыкларын уртаклашып яза ул.

Фото: Айсылу Габдинованың, Зөлфия Яруллинаның Инстаграмнарыннан алынды

Запись Көннең матур хәбәрләре: Лилия Сәлахетдинова кияүгә чыга, Рәнис Габбазов әти була впервые появилась Tatar Today - татар яңалыклары..