2017 елда пай җире өчен аренда түләвенең минималь суммасы 710 сум иде.
“Былтыр Кукмара районы бер гектар җиргә уртача 1061 сумнан түләде. Баулы районы исә уртача – 880, Чистай районы – 865, Яңа Чишмә – 791, Тукай районы – 779 сумнан исәп-хисап ясады. Әлеге районнар пай җирләренә аренда түләве буенча лидерлыкны саклый”, – диде бүлек башлыгы.

Дружин сүзләренчә, лидерлар белән беррәттән, аутсайдер районнар да бар.

“Иң артта калган район – Югары Ослан. “Заря” җәмгыяте бер гектар җир өчен 195 сумнан түләгән. “Ак барс – Питрәч”, “Кызыл Шәрыкъ” җәмгыятьләре дә күрсәтелгән минималь сумманы түли алмады. Аларга капма-каршы итеп, Лаеш районының “Хәерби”, Тукай районының “Сәйдәш”, “Ирек” хуҗалыкларын китерергә була”, – диде Александр Дружин.

“Ютазы һәм Әгерҗе районнары да соңгы елларда түләүне арттырды. Узган ел биредә бер гектар пай җире өчен 1500 сумнан түләнгән. “ТрансАгро” ( 1000), “Камский бекон” (993 сум) “ Кулон Агро” җәмгыятьләре дә үрнәк”, – диде Александр Дружин.

“Татар-информ”, Чулпан Шакирова

Фото: https://pixabay.com

Запись Пай җирләре өчен иң күп акчаны кайсы районда түлиләр? впервые появилась Tatar Today - татар яңалыклары..