Ике баланы ерткыч тырнагыннан коткарган Владимир Санкин җинаять эше арытаба тикшерелгәнче ике ай йорт шартларында тотылачак. Судта ул педофилны үтерергә теләмәгәнлеген, балаларны гына яклаганлыгын белдерде.
Интернеттан файдаланучылар Владимир Санкинга ярдәм йөзеннән бик күп комментарийлар калдырган. Битараф булмаган гражданнар аны эзәрлекләүдән азат итүне таләп иткән петиция дә булдырырга өлгергән. Петициягә 2 меңнән артык кеше кул куйган.

Ирнең хатыны Полина Наумова да ире яклы.
– Без шок хәлендә. Мин тулысынча аның яклы. Ул бала яныннан үтеп китмәгән, киресенчә, аның үтенеченә колак салган һәм булдыра алганча ярдәм иткән. Ул ярдәмгә ташланмаса, арытаба ни булырын күз алдына да китерү куркыныч, – ди ул.
– Ул – яхшы, ярдәмчел, гадел кеше. Эшли, спорт белән шөгыльләнә. Аның ягыннан бернинди конфликтлар, яки тәртипсез гамәлләр булганы юк. Яхшы егет, язмышы арытаба ничек булыр, барыбыз да борчылабыз, – ди дусты Рөстәм Рәҗәпов.

Санкинның адвокаты да, суд балаларны җинаятьчедән коткарган кешегә артык каты җәза бирмәс, дигән фикердә.

Мәгълүмат Кызыл Таң
Фото Bashnius.ru

Запись “Педофилны үтерүче иректә калырга тиеш!” впервые появилась Tatar Today - татар яңалыклары..

Чыганак мәгълүматлары буенча, май азагында Салмачы бистәсендә 90нчы маршрут автобусында 44 яшьлек ир-ат 14 яшьлек яшүсмергә карата азгынлык кылган.

Баланың сурәтләве буенча ясалган фоторобот ярдәмендә ир-атны кулга алганнар. Агентлык чыганагы мәгълүматлары буенча, ир-ат үз гаебен танымаган һәм полиграфта тикшерүдән баш тарткан.

Элек ир-ат Казан мәктәпләренең берсендә укытучы булып эшләгән.

Хәзерге вакытта Татарстанның Тикшерү комитеты кулга алынган экс-педагогның башка корбаннарын эзли. Бу хакта Комитет җитәкчесенең өлкән ярдәмчесе Андрей Шептицкий хәбәр итте.

Тикшерүчеләр гаепләнүче ирнең фотосурәтен киң җәмәгатьчелеккә чыгарды.

Ир-атның шуңа охшаш җинаять кылуы турында белүчеләрне Татарстан Тикшерү комитетының Идел буе районы бүлегенә мөрәҗәгать итүләрен сорыйлар. Шулай ук (843) 224 92 30 телефоны аша да мәгълүмат бирергә була.

Чыганак: tatar-inform.tatar

Фото: СУ СК России по РТ

Запись Казанда бала әйтүе буенча тоткарланган укытучы педофилиядә гаепләнә впервые появилась Tatar Today - татар яңалыклары..