Янгын сүндерүчеләр авылда бер ай эшли инде, әмма бу ярдәм итми, авыл халкы буа торган агулы төтен исенә тончыга.

«Хәзер бездән тормый, без кулдан килгәннең барысын да эшләдек: ике атна су сиптек, яңгырлар яуды, ярдәм итми. Мондагы мәйданнарны тулысынча рекультивацияләргә кирәк. Башка чара юк», диләр янгын сүндерүчеләр.

Башкарма комитет җитәкчесенең урынбасары Линар Әхмәтов фикеренчә, экстрен чаралар күрелмәгән очракта, ситуацияне бары тик кар явуы гына коткара ала. Кар полигон өстен каплап кислород керүен чикләячәк дип фаразлана.

Аңарчы Прости авылы халкына, өйләрен вакытлыча калдырып, туганнары, дуслары, таныш-белешләренә яшәргә күченеп торырга киңәш ителә.

Фото: mchs.tatarstan.ru, Регина Макасина

Запись «Безне кар гына коткара ала!»: Прости авылы халкын өйләреннән китүләрен сорыйлар впервые появилась Tatar Today - татар яңалыклары..

“Күрелгән чаралардан соң, Түбән Кама районында Прости авылы янындагы чүплек 200 квадрат метрда гына калды. Эшне сишәмбе, 23 октябрьдә төшкә кадәр төгәлләү планлаштырыла”, дип хәбәр ителде ул вакытта ведомство матбугат хезмәтендә.

Әмма соцчелтәрләрдә чыккан фото һәм хәбәрләр буенча, бу эшнең тәмамланмавы ачыклана. “Казанский репортер” язуынча, авыл халкы Экология министрлыгына мөрәҗәгать итмәкче.

“Чүплек әде дә яна! 4 атна төтен сулап тончыгабыз, урамга чыгарлык түгел, балаларны чыгарып җибәрергә дә куркыныч. Кайчан сүндерерләр?» дип ачына авыл халкы.

Район башкарма комитеты башлыгы Айдар Сәйфетдинов аңлатканча, ике-өч урында янгын учаклары барлыкка килгән, ләкин хәл контрольдә тотыла: “Янгын гарнизоны чүплектә даими кизү тора, су өзлексез тәэмин ителгән.  Без бу процессны локальләштермичә, су сибү дәвам итәчәк”, ди түрә.

Фото: соцсети, Татар-информ

Запись “4 атна төтен сулап тончыгабыз!” – Түбән Камада чүплектәге янгын һаман сүндерелми [фото] впервые появилась Tatar Today - татар яңалыклары..