“Йөрүзән” – Рузалия әби турында: “Алты класс белеме белән дә татарны бөтен дөньяга таныта алды”

Лэйсирэ — Sat, 27 Oct 2018 04:10:16 +0000

Үз авылыңнан чыкмыйча, 75 яшьтә дә “йолдыз” булып була икән. Биектау районы Зур Битаман авылында яшәүче Рузалия апа Гарифуллина кайчандыр әнә шулай дигән иде. Ак күңелле әбекәй 83 яшендә арабыздан китеп барган икән. Бу хакта продюсер Җәүдәт Гыйльманов хәбәр итте.

Рузалия апаның даны бөтен Россиягә таралган. Иренмичә интернетта аның исемен җыеп карагыз әле: шундук диджей Раббах белән уртак җимешләре килеп чыга. “Йөрүзән” клибының ничек тиз арада таралуының сәбәбен шунда үзегез дә аңларсыз.

Рузалия апа, дөнья челтәрләре дигәннең нәрсә икәнен дә белмим, барысы да бер мәҗлестә “Йөрүзән”не җырлаганнан соң башланды, дип сөйләгән иде. Менә шушы мәҗлестә туганнан туган энесе Җәүдәт Гыйльмановка “эләгә” дә инде. Кемдер аңа, продюсер булып йөрисең, үз апаңны яздырмагансың, дип әйтеп куя. Җәүдәт абый, чыннан да, бу – минем кимчелек, дип ризалаша һәм тиз арада әбине тавыш яздыру студиясенә алып килеп, берничә җырын яздырып ала. Бер караганда, Рузалия апа карьерасына шушы урында нокта да куелырга мөмкин иде. Азмыни бездә халык җырларын башкаручы һәвәскәрләр? Ләкин аның чыгышына Раббах бөтенләй икенче төсмер сала.

“Йөрүзән” клибы барлыкка килгәч, Рузалия апаны кая гына чакырмыйлар. “Пусть говорят” тапшыруы да кызыксына, башкасы да. Мактау белән бергә, тәнкыйтьне дә күп ишетергә туры килә аңа. Дөрес җырламый, профессионал түгел диләр, шул ук вакытта аны кабатлаучылар да табыла. Боларга әбинең исе китми. Туганы Җәүдәткә исә гайбәт “тия”. Шуңа күрә ул, әбине баянга кушылып җырлатып, бернинди эшкәртүләрсез альбом әзерләп чыгара. Шуннан тәнкыйтьләүчеләр койрыгын кысарга мәҗбүр була.

Ак күңелле әбинең: “Алты класс белем белән калдым, һәр көнне биш чакрым араны үтеп эшкә йөргәндә юл аруларын басар өчен җырлый идем, җырламыйча хәзер бер эш тә бармый”, – дип сөйләгәне әле дә истә. Шул алты класс белеме белән дә татарны бөтен дөньяга таныта алды ул. Кылган гамәлләре үзенә савап булып барсын, авыр туфрагы җиңел, урыны оҗмахта булсын иде.

Гөлинә Гыймадова

Чыганак һәм фото: Ватаным Татарстан

Запись “Йөрүзән” – Рузалия әби турында: “Алты класс белеме белән дә татарны бөтен дөньяга таныта алды” впервые появилась Tatar Today - татар яңалыклары..

72 яшендә “Йөрүзән” җыры белән танылган татар әбие арабыздан китә

Алина — Wed, 24 Oct 2018 19:08:26 +0000

24 октябрь Рузалия Гарифуллина 83 яшендә арабыздан китә. Бу хакта үзенең фейсбук битендә проектның авторы Җәүдәт Гыйлманов хәбәр итте. Җәүдәт әфәнде Рузалия апаның продюссеры, туганы иде.

Рузалия апа, Рузалия Гарифуллина – татар җырчысы. Татарстанның Биектау районы Олы Битаман авылында яши. Профессиональ җырчы буларак 72 яшендә, DJ Rabbah белән бергә, «Ruza» бию музыка альбомын чыгарып һәм “Йөрүзән» җырына клип төшергәч таныла.

Запись 72 яшендә “Йөрүзән” җыры белән танылган татар әбие арабыздан китә впервые появилась Tatar Today - татар яңалыклары..

Архивы Рузалия Гарифуллина - Tatar Today - татар яңалыклары.

“Йөрүзән” – Рузалия әби турында: “Алты класс белеме белән дә татарны бөтен дөньяга таныта алды”

72 яшендә “Йөрүзән” җыры белән танылган татар әбие арабыздан китә