Рөстәм Исхаков белдерүенчә, блогер Василийны республикакүләм Уңыш көненә чакырырга кирәк. Әлеге видеода журналист шулай дип Татарстанның авыл хуҗалыгы министры, бу вазыйфага күптән түгел билгеләнгән Марат Җәббаровка морәҗәгать итте. Инстаграмда эленгән әлеге видео астында, Америкада яшәп бизнес белән шөгыльләнүче эшмәкәр, татар активисты Илмир Әхмәтҗанов кызыклы комментарий калдырган. “Чакырмасалар, аны Вашингтон Сабантуена чакырам. Юл чыгымнарын түлим” дип яза ул.

Белешмә өчен. Тракторчы блогер Василий Иванов Кукмара районыннан. Инстаграмда Василий бары тик үзен, тракторист эшен, авыл тормышын чагылдыра. Гади авыл егетенә 30 меңләп кеше язылган. Аның видеоязмаларын бик яратып һәм зур кызыксыну белән карап баралар, күп итеп комментрийлар калдыралар.

Мәгълүмат: matbugat.ru

Запись Тракторчы Василийны Америкага Сабантуйга чакырдылар, юл чыгымнарын түлиләр впервые появилась Tatar Today - татар яңалыклары..

Тиздән Татарстан күләмендә “Уңыш бәйрәме” булырга тиеш. Ә анда без яратып караган тракторчы-блогер Василий бер тапкыр да булмаган, чакырмаганнар. Аны рухландырырга, “Уңыш бәйрәме”ндә зур бүләкләр белән күрергә телибез.

Татар Тудей порталы җитәкчесе, журналист Рөстәм Исхаков  #ВАСИЛИЙКЫРБАТЫРЫ дигән хештег белән бу видеоны сторисларга куеп, Татарстанның яңа яшь авыл хуҗалыгы министры Марат Җаббаровны билгеләргә тәкъдим итә. “Нәтиҗәсен күрербез, бу яңа министрга яңача эшләргә, авыл хуҗалыгын яшьләр арасында, социаль челтәрләрдә популяр итәргә, авыл кешеләрен күтәрә башларга менә дигән заманча мөмкинлек”, ди ул.
⠀

– Гомумән, Василийны рухландырасыбыз, ел дәвамында авыл сулышын, кырларның киңлеген, колхозның чынбарлыгын күрсәтеп барып, кыенлыкка, пычракка, яңгыр, карда, салкында эшләүгә карамастан, позитив калырга тырышып яшәвенә сокланабыз. Ул Татарстанның “Уңыш бәйрәме”ндә булырга лаек, дип уйлыйбыз.
⠀
#василийкырбатыры дигән хештег белән сторисларга куеп, Татарстан авыл хуҗалыгы министларын билгеләп бу мәгълүматны таратыйк! Артсын районнардан чын авыл блогерлары, эшләгән урыннарыннан видео чыгарып торсыннар, шуннан ук товарларын тәкъдим итсеннәр, министрлык, хөкүмәт аларны күтәрсен, ярдәм итсен! Вәт шулай булганда без чыннан да булдырабыз!

Запись Тракторчы-блогер Василий Татарстанның “Уңыш бәйрәме”ндә булырга тиеш [видеомөрәҗәгать] впервые появилась Tatar Today - татар яңалыклары..