Архивы салкын тию - Tatar Today - татар яңалыклары.

Салкын тиеп авырганда нишләргә? Бер киңәш

Лейла — Mon, 23 Nov 2020 08:45:31 +0000

Алма серкәсеннән ясалган катнашманың да файдасын күрәм.

1 лимон, 3 тырнак сарымсак, бал алабыз. Лимонны төшеннән арындырабыз. Ике ингредиентны да иттарткыч аша чыгарып, бал (күп кирәкми, катнашма кашыктан агып чыгарлык булмасын) кушып болгатабыз һәм пыяла банкага тутырабыз да суыткычка куябыз. Икенче көнне куллана башларга да була. Иртән һәм кичен берәр аш кашыгыз кабыгыз.
Әлеге катнашма канны да чистарта, әмма ашказаны белән проблема булганнарга сак кулланырга кирәк.
Алма серкәсеннән ясалган катнашманың да файдасын күрәм. Аллма серкәсендә витаминнар, кислота, микроэлментлар, фермент һәм пектин бар. Су һәм бал белән кушылмада бактерияләргә, гөмбәчекләргә каршы тору үзлегенә ия була, оргаизмны ныгыта һәм чистарта.
Бер стакан җылы суга берәр чәй кашыгы алма серкәсе һәм бал салып эчәбез. Аңа кадәр һәр иртә бер стакан җылы су эчеп куярга була. Кич белән дә йокларга бер сәгать кала алма серкәсе суын эчәргә. Ашказаны авырткан кешеләргә, бу рецептны куллана башлаганчы, табиб белән киңәшләшергә кирәк.

Чыганак: Шәһри Казан

Запись Салкын тиеп авырганда нишләргә? Бер киңәш впервые появилась Tatar Today - татар яңалыклары..

Салкын тиюдән тиз арада котылу ысулы [киңәш]

Алина — Tue, 11 Dec 2018 12:24:22 +0000

Тиз арада терелергә яки форс-можор ситуациядә тиз аякка басарга кирәк булса, шушы катнашмадан файдаланыгыз.

Хәзер без тәкъдим итәчәк йомыркалы катнашма иң көчле ютәлне дә бетерергә сәләтле. Ул шуның хәтле файдалы ки, замана медицина препаратлары да бер читтә торсын;

Бу аңлашыла да: чөнки ул әбиләребездән калган рецепт, нигезендә натураль компонентлар ята. Тиз арада терелергә яки форс-можор ситуациядә тиз аякка басарга кирәк булса, шушы катнашмадан файдаланыгыз.

Беренче эш итеп 1 стакан сөт кайнатыгыз. Шуңа 1 аш кашыгы атланмай һәм 1 аш кашыгы бал салырга кирәк. Аерым савытта йомырка сарысына бал калагының очына гына чәй содасы салып әйбәтләп болгатыгыз. Шуннан ике катнашманы бергә кушкач тәмле ризык килеп чыкмас, әлбәттә, тик файдалылыгы буенча тиңнәр булмас.

Шушы борынгы микстура белән әбиләребез бронхит, ларингит, хәтта трахеитны да дәвалаган.

Балагыз ютәлли башласа, аптекага йөгергәнче, йомыркалы катнашма эчертеп карагыз, үкенмәссез.

"Сабантуй" журналы

Запись Салкын тиюдән тиз арада котылу ысулы [киңәш] впервые появилась Tatar Today - татар яңалыклары..

Көчле салкыннар вакытында суык тиюдән саклану чаралары [киңәшләр]

Алина — Tue, 27 Nov 2018 12:39:19 +0000

Көчле салкыннар вакытында, суык тиюдән саклану өчен беренче чиратта, тиешле итеп киенү һәм дөрес туклану кирәк.

Суыкта урамга чыкканда, натураль булмаган тукымадан тегелгән (синтетик) киемнәр кимәскә тырышыгыз. Чөнки андый киемнәр тәннән бүленеп чыккан тирне сеңдерми, нәтиҗәдә тәнебез дымлана, ә бу исә, үз чиратында өшүгә китерә. Белгечләр фикеренчә, “кәбестә” кебек киенү, ягъни бер калын свитер урынына өч нәзекне кию, җылыны әйбәтрәк саклый. Артык нык кысып тора торган киемнәр кан әйләнешен начарайта һәм кеше тизрәк өши башлый. Башыгызга җылы башлык, бүрек киегез, чөнки баш аркылы тәннең 40%ка кадәр җылысы чыга. Өске тын юлларын сакларга шарф яисә озын муенлы свитер ярдәм итә. Шулай ук билгә салкын тиюдән саклану өчен озын куртка, пальто, дубленка кебек киемнәр кию кирәк. Аяклар өшемәсен өчен, җылы кышкы оекбашлар кияргә, ә аяк киемегезнең астына киез аслыклар салырга мөмкин. Шулай ук кулыгызга җылы бияләйләр киергә онытмагыз. Перчаткаларга караганда бияләйләр кулларны әйбәтрәк җылыта.

Суыкта өшемәс өчен, урамга чыгар алдыннан әйбәтләп туклыклы итеп ашап алыгыз. Чөнки туклыклы ризык сезнең организмга җылылык бүлеп чыгару өчен бик кирәк. Көчле суыклар периодында төрле диеталарны, аз калорияле ризыклар белән туклануны туктатып тору киңәш ителә.

Нур сайты

Запись Көчле салкыннар вакытында суык тиюдән саклану чаралары [киңәшләр] впервые появилась Tatar Today - татар яңалыклары..

Салкын тию белән көрәшүнең 8 шәп ысулы [киңәшләр]

Алина — Wed, 07 Nov 2018 13:01:07 +0000

Иммунитетны ныгыту, авырудан саклану өчен гади генә, тик файдалы 8 ысул тәкъдим итәбез.

1. Күбрәк су эчегез

Авырган вакытта мөмкин кадәр күбрәк су эчәргә кирәк. Ул организмнан шлак һәм токсиннарны куа, сусаудан коткара. Су, төрле җимеш соклары, морс, чәй, төнәтмәләр эчү дә файда бирәчәк. Чәй яратсагыз янына бал яки имбирь өстәсәгез дә була.

2. Витамин С

Әлеге витамин кеше сәламәтлегенә әйбәт йогынты ясый: организмның саклану көчләрен ныгыта. Гөлҗимеш, облепиха, болгар борычы, кара карлыган, киви, чили борычы, брюссель кәбестәсе, брокколь, әфлисун, лимон, шпинат — менә С витаминлы ризыклар.

3. Табигый антибиотиклар

Суган һәм сарымсакны күз уңында тотабыз. Теләсә кайсы дарулардан да әлеге ике яшелчә көчлерәк. Алар сезгә тиз арада аякка басарга ярдәм итәр.

Гади мисал: сарымсакта 150 файдалы матдә бар. Суган да аңардан калышмый, ул барлык вирусларны юк итәчәк.

4. Тавык ашы

Тәмле дә, файдалы да, туклыклы да. Кайнар аш организмга көч бирәчәк.

5. Җиләк-җимеш, яшелчәләр

Моны авырганда гына түгел, көндәлек гадәткә кертсәгез дә була. Көненә 2-3 җимеш, чикләвекләр ашагыз. Ә менә шикәр комы ашаудан тыелыгыз. Артык күләмдәге глюкоза бактерияләр артывына китерә.

Сәламәт булыгыз

Запись Салкын тию белән көрәшүнең 8 шәп ысулы [киңәшләр] впервые появилась Tatar Today - татар яңалыклары..

Илсөя Бәдретдинова әти-әнисе генә белгән салкын тиюне дәвалау серен сөйли [фото]

Эльвира Шакирова — Mon, 29 May 2017 10:52:55 +0000

Бу салкын көннәрдә чәчәкләр арасында фотога төшеп йөрү килешмәгәнме, җырчы Илсөя Бәдретдинова чирләп киткән. Инстаграмдагы битендә “температура….” дип язып, җанатарлары белән балачак хатирәләре һәм салкын тигәннән тиз генә терелү серләре белән уртаклашты.

“Әни эмаль чиләккә күп итеп мәтрүшкә,каен яфрагы,нарат күркәсе кебек үләннәр салып ,газ өстендә су белән кайнатып ала да…идәнгә чиләкне куеп, шуның янына мине утыртып,чиләк белән икебезнең өстән юрган ябып, бер таяк белән бутап утырырга һәм тирәәән итеп суларга куша иде. Ә үзе тышкы яклап сөйләштереп утыра. Килде-китте сорау бирә дә….шаркылдап көлә үзе… Мин җавап бирәм, ә әни ишетмәмешкә салыша… Юри…мин тирән итеп сулап, кычкырып җавап бирсен өчен. Күпмедер чиләк кочаклап утыргач, тирләп-пешеп юрган астыннан килеп чыгасын…Аннан әни,әтинең самогонында носкиларымны чылата да, өстеннән пакет, ә анын өстеннән кәҗә йоныннан бәйләгән тагын бер носки кидерә. Борын астына “звездочка” сылый… бер чашка мәтрүшкәле чәй.. и всееееее… Авыыр сырган юрган астына түшәккә чумып, ястыкка батып йокыга китәсен! Иртәнгә берни калмаган була!”, – дип яза ул.

View this post on Instagram

A post shared by Ильсия Бадретдинова (@ilsiiabadretdinova)

Запись Илсөя Бәдретдинова әти-әнисе генә белгән салкын тиюне дәвалау серен сөйли [фото] впервые появилась Tatar Today - татар яңалыклары..