Фәния Хәлиуллова үзе җитәкләгән “Сүнмәс йолдызлар” ансамбле концертын ачып җибәргәндә, сәхнәдән “Елама, ярсыма” җырын башкарган вакытта, егыла. Ашыгыч ярдәм хезмәткәрләре аны хастаханәгә алып китә, әмма җырчының гомерен саклап кала алмыйлар. Беренчел мәгълүматларга караганда, үлемнең сәбәбе – баш миенә кан саву, юан тамыры шартлауда. Соңгы арада кан басымының югаруы булуыннан зарланган ул. Әмма табибларга күренеп, дәваланып йөрергә вакыт тапмаган, эшләгән, иҗатта кайнаган, дип әйтә якын дуслары. Фәния Хәлиулловага 53 яшь иде. Аның белән хушлашу чарасы 22 гыйнварда, Ульян өлкәсенең Мәләкәс районындагы Филипповка авылында узды.

Артистны сәләтле җырчы һәм вокал буенча искиткеч укытучы буларак искә алырга калды. Ул Габдулла Тукай исемендәге 22 нче мәктәптә музыка укытучысы булып та эшләгән. Фәния Хәлиуллованы Димитровградта уза торган күп кенә милли чараларның алып баручысы итеп тә беләләр.

Мәрхүмәнең сәхнәдә чыгыш ясаган видеосы берәүне дә битараф калдырмаган. Социаль челтәрләрдә аңа карата әйтелгән сүзләр үзе үк моңа дәлил: “Бик яхшы кеше иде”, “Аны киң күңелле кеше буларак та яраттык”, “Фәния Саматовнага соңгы тапкыр чәчәк бирүем булган, берничә минуттан ул безне мәңгегә ташлап китте”. Ульян өлкәсе Сәнгать һәм мәдәни сәясәт министрлыгы матбугат хезмәтенең “ВКонтакте”дагы төркемендә кайгы уртаклашу хәбәрендә дә бу хакта искәртелә. “Фәния Саматовна хәтердә үз һөнәренә һәм халкына тугры кеше булып уелып калды. Ул сүнмәс тормыш энергиясе, тормыш яратучанлыгы һәм кешелеклелек сыйфатлары белән дә истә калачак”, – диелгән хәбәрдә.

Фәния Самат кызы белән таныш булган Бөтендөнья татар конгрессы башкарма комитетының мәгълүмати-аналитика идарәсе җитәкчесе Гөлназ Шәйхи:

– Бу хәбәрне ишетү минем өчен шок булды. Видеоны күргәннән соң, нәрсә кичергәнне дә аңлата алмыйм, әле дә шулай. Фәнияне күргәнем бар, аның иҗатын беләм. Ульян өлкәсендә иҗади сәфәрләр барышында ансамбль чыгышларын тыңлаган бар. Соңгы арада минем аның белән элемтәгә кергәнем булмады шул. Аның ансамбле, ул тәрбияләгән балалар – искиткеч тавышлы җырчылар. Фәния – милләтне һәм мәдәниятне саклап торучы кеше иде. Урыны оҗмаһта булсын! – диде.

(Чулпан Гарифуллина/“Ватаным Татарстан”, /№ 8, 22.01.2019/)

Запись Бөтендөнья татар конгрессында Гөлназ Шәйхи Фәния Хәлиуллованың фаҗигале үлеменә комментарий бирә впервые появилась Tatar Today - татар яңалыклары..

Сүнде йолдыз

Сәхнә – серле, сәхнә – фаҗигале,
Мин ышандым ничә мәртәбә.
Гомерләрен аңа багышлаган
Чын артистлар үлә сәхнәдә!

Мироновны кара, Соломинны,
Глузский, Тальков, Барыкин!
Бик күп алар: барлый, саный китсәң,
Сәхнә чиратында тагын кем?

Тукай үлемен уйнап Дамир китте,
Рәхимкулов, инде Фәния!
“Сүнмәс йолдызлар”ның чын йолдызы
Кинәт сүнде, язмыш, я нигә?!

“Карлыгач”лы иде бит ул әле,
Күпме бала көтәр остазын.
Соңгы тапкыр сәхнә алкышлады
Фәниянең моңлы, тын сазын.

Җыр – ул шундый галиҗанәп нәрсә:
Ул исемең күккә күтәрә.
Аннан кинәт мәңгелеккә ата –
Сагыш утын ташлап күпләргә.

Моңга гашыйк балаларга – кояш,
Бөтен җиһан иде Фәния!
Сембер карлыгачы канаткаен
Ник көйдердең, язмыш, я нигә?!

Үз моңнарын ихлас яратканнар
Чынлап җырлый, өзеп йөрәктән.
“Елама” дип җырлап моңсулатты,
Елатты да җырчы кинәттән.

Сәхнә түрләрендә җыр сузды да
Туктап калды җырчы сандугач.
Тик исемен телләр тибрәтерләр
Сагынып аны һәр көн таң тугач.

Тыныч йокла, Сандугач!

Запись Гөлнур Айзат: “Сәхнә түрләрендә җыр сузды да, туктап калды җырчы сандугач”  впервые появилась Tatar Today - татар яңалыклары..

View this post on Instagram

A post shared by ⚡️TATAR TODAY агентлыгы⚡️🌍 🔊📺 (@tatar_today)

Мөнирә Джумаева – 20 гыйнвар көнне мәдәният йортында булган хәлнең шаһиты. Дусты сәхнәдә авып киткәндә, ул залда – тамашачылар арасында була.

Мөнирә Джумаева дустының авырып йөргәнен хәтерләмәсә дә, кан басымыннан зарланганын ишеткән.

“Соңгы вакытта кан басымы уйный әле”, – диде. “Фәния, табибка бар, ул бит инде тиешле даруны, тиешле нормада язып бирә”, дидем. “Әй, эчтем инде мин, хәзер төште”, дия иде. Бөтенебез шул бит инде. Ә аның баш миенә кан сауган. Юан тамыры кинәт шартлаган диделәр”, – дип сөйләде ул “Татар-информ”га.

Запись Ансамбль җитәкчесе Фәния Хәлиуллованың сәхнәдә үлү сәбәбе билгеле [видео] впервые появилась Tatar Today - татар яңалыклары..