Архивы экология - Tatar Today - татар яңалыклары.

Казанда Тирән күл төбеннән “хәзинә” табалар [фото]

Лейла — Sun, 16 Aug 2020 14:53:19 +0000

Казан активистлары сулыкларны чистарту буенча чираттагы акция үткәрделәр. Тирән күлнең яр буе территориясеннән 30 капчык чүп-чар һәм ике автомобиль покрышкасы чыгарылган.

Географик җәмгыятенең Татарстан бүлеге Инстаграм-аккаунтында хәбәр ителгәнчә, аквалангистлар тапкан иң зур “хәзинәсе” -сәүдә ларекы.

Чыганак: кazanfirst.ru

Запись Казанда Тирән күл төбеннән “хәзинә” табалар [фото] впервые появилась Tatar Today - татар яңалыклары..

Кабан күлендә күпләп балык үлә: экологлар дәшми [видео]

Лэйсирэ — Thu, 05 Jul 2018 14:31:11 +0000

Урта Кабан күле ярына күпләп үлгән балык чыккан. Бу тирәдә йөрүчеләр аларны агулаганнар дип шикләнә. Татарстан экология министрлыгы бу турыда дәшми.

Урта Кабан күле ярында үлгән балыкларга бу тирәдә яшәүчеләр һәм балыкчылар тап булган. Монда “Садовод” бакчачылык ширкәте урнашкан. Җирле халык үлгән балыкларны яр буеннан берәмләп җыеп, куаклыкларга ыргыта иде. Үлгән балыкларны күпчелеге кәрәс һәм сазаннар.

“Үлгән балыкларга 4-5 көн элек тап булдым. Алар бик күп. Агуланганнар дип уйлыйм”, диде монда яшәүче Илья Гәрәев.

Кабан күле янында ишкәкле спорт объекты һәм “Нәфис груп” ширкәте урнашкан.

Татарстан экология министрлыгында бу проблемнан хәбәрдәр булып чыктылар. Аның вәкилләре якшәмбе суны анализга алган. Экологлар әлегә бернинди нәтиҗәләр дә билгеле түгел ди.

Казанда экологик проблемнарны киң җәмәгатьчелеккә чыгарырга теләмиләр. Дөнья беренчелеге вакытында бары уңай хәбәрләр генә сөйләнә. Шуңа да бу мәсьәләне дәүләт структуралары яшерә килә.

Азатлык

Фото: скриншот

Запись Кабан күлендә күпләп балык үлә: экологлар дәшми [видео] впервые появилась Tatar Today - татар яңалыклары..

Татарстанның иң пычрак һәм иң чиста сулы елгалары кайда урнашкан?

Редактор1 editor1 — Thu, 23 Mar 2017 18:50:11 +0000

Татарстандагы иң пычрак елга дип Бөгелмә Зәе табылган. Елга суында даими рәештә пычрак матдәләрнең тиешле күрсәткечләрдән югары булуы күзәтелә. //Татар-информ//

Татарстанның иң пычрак елгасы дип Бөгелмә шәһәренән түбән урнашкан Бөгелмә Зәе елгасы аталган. Бу хакта бүген Татарстан Гидрометеорология һәм әйләнә-тирә мохитне күзәтү идарәсе белгечләре Бөтендөнья метеорология көне уңаеннан уздырылган матубгат конференциясендә сөйләде.

Республикада иң чиста елга дип Лениногорсктан биектә урнашкан Дала Зәе елгасы табылган.

«Бөгелмә Зәе елгасы буенча тотрыклы рәвештә пычрак матдә – нитритлы азотның югары дәрәҗәдә булуы күзәтелә. Чистарту корылмалары, дөрес хуҗалык итмәү, калдыклар ташлауны тиешенчә оештырмау сулыкларга зыян сала. Әлеге хәл хәзер экология елы булуга карамастан күзәтелә. Моннан тыш, Дала Зәе елгасы 1978 елдан бирле табигать һәйкәле санала», – дип белдерде Татарстан Гидрометеорология һәм әйләнә-тирә мохитне күзәтү идарәсе башлыгы Сергей Захаров.

Запись Татарстанның иң пычрак һәм иң чиста сулы елгалары кайда урнашкан? впервые появилась Tatar Today - татар яңалыклары..