Шушы районда яшәүче 21 яшьлек Айдар Рамазанов чын батырлык кылган: ул, үз гомерен куркыныч астына куеп, баткан баланы коткарган.

Бүген Татар Урадасы авылыннан ерак түгел булган бу хәл. Җиде яшьлек кыз Буй елгасында уйный, әмма елга агымы сабыйны ега һәм ярдан агызып алып китә. Соңгы мизгелдә бала агач ботакларына тотынып өлгергән, әмма көче бетә башлаган…
Шаһитлар коткаручыларга шалтыраткан, ләкин Айдар Рамазанов аларны көтмәгән. Ул уйлап-нитеп тормый суга ташлана, каршы ярга барып җитә һәм сабыйга ярга чыгарга ярдәм итә. Кыз бик нык курка, әмма су йотарга өлгерми, табиблар аны әти-әниләренә тапшыра.
Коткаручылар суда хәвефсезлек кагыйдәләрен үтәргә кирәклеген искәртә, өстәвенә, көн саен республика сулыкларында дистәләрчә кеше батып тора. Махсус җиһазландырылмаган пляжлардан ераграк торырга һәм бигрәк тә балаларны игътибар белән күзәтергә кирәк.

Чыганак: Кызыл Таң

Запись Елга агымы агызып алып китә: соңгы мизгелдә ботакка тотынып өлгерә впервые появилась Tatar Today - татар яңалыклары..

NTR-24.RU корреспондентлары хәбәр итүенчә, урамга уйнарга дип чыккан 3 сыйныф укучысы агачка үрмәләп менә, әмма кире төшә алмый. Баланы Роза Рахматуллина күреп ала. Мәктәп укучысы ханымга иптәшенең адресын әйтә. Хатын кыз шул кеше янына чабап бара һәм күргәннәрен сөйләп бирә. Тиз арада МЧС хезмәткәрләрен чакырталар.

Роза Рахматуллина сүзләренчә, бала бик туңа, курткасы да аста калган булып чыга. Узып баручылар, ярдәм итәргә теләп, эс киемен таяк ярдәмендә балага бирәләр. Бәхеткә каршы, коткаручылар бик тиз килеп җитә һәм малайны агачтан төшерә.

Бар да тынычлангач, бала барысын да сөйләп бирә. Баксаң, уен барышында ул агачка менеп китә, әмма кире төшә алмый.

Белгечләр әлеге ситуациягә түбәндәге аңлатма бирә: беренчедән, кеше биеккә менгәндә аска карамый, менеп җиткәч ул паникага бирелә. Икенчедән, мондый биеклектә  агач, җил булу сәбәпле, селкенә, бу да малайны куркуга салырга мөмкин. Шулай ук һава шартларының салкын булуы да үз нәтиҗәсен бирә: куллар туңа, шуңа да кабат төшү бик авырга килә.

Запись Татарстанда агач башыннан өшегән баланы коткарып алалар [видео] впервые появилась Tatar Today - татар яңалыклары..