Искәртеп үтик, Ниццада Бастилияне алу көне бәйрәмендә йөк машинасы кешеләр өстенә менгән. Машина кешеләр төркемен 2 км эттереп барган, дип хәбәр иттеләр прокуратурага сылтама белән. РИА «Новости»ның соңгы мәгълүматларына караганда, 84 кешенең гомере өзелгән, алар арасында балалар да бар. Һәлак булганнар һәм зыян күрүчеләр арасында чит ил кешеләре күп, шул исәптә россиялеләр дә бар. Кешеләрне бәрдергән йөк машинасы йөртүчесе атып үтерелгән.

Франция Президенты Франсуа Олланд бу фаҗигане теракт дип атады. Татарстан Президенты Рөстәм Миңнеханов бу уңайдан кайгы уртаклашу белдерде һәм Ниццадагы терактны “кешелексез фаҗига” дип белдерде.

“Минем хәлем яхшы. Мин салюттан соң Массен мәйданыннан Гарибальди мәйданы ягына җәяү отельгә кайтып бара идем. Халык төркеме дә шушы юнәлештә хәрәкәт итте. Кинәт алда барганнар куркып артка йөгерә башлады. Барысы да тиз тынычландылар һәм янә алга бара башладылар. Атучылар булмады. Йөк машинасы халык төркеменә килеп бәрелгән диләр. 12 кеше һәлак булган. Мин отельга кайтып җиттем. Урамда сирена тавышлары”, – дип язган Мельник Facebook битендә.

Мельник эшли торган sntat.ru басмасы шулай ук хәбәрчесе сүзләрен китерә: “Ничек шулай килеп чыгуы аңлашылмый. Ул кичне полиция күп иде. Барлык урамнарны яптылар. Хакимиятнең хатасы – халык яр буеннан таралмаган килеш транспорт хәрәкәтен рөхсәт итүдән гыйбарәт. Халык төркеме таралганчы бөтен җиргә блоклар куярга иде”.

Хәзер Франциядә Татарстаннан тагын бер вәкил – опера җырчысы Аида Гарифуллина, ул бирегә юлдашы, элеккеге теннисчы Марат Сафин белән килгән. Аида  бәйрәм хөрмәтенә үткәрелгән тантаналы чарада чыгыш ясарга тиеш иде.

“Кайгырабыз… Никадәр нәфрәт. Әйдәгез, яратыйк һәм аңларга тырышыйк…” – дип язган җырчы «ВКонтакте» социаль челтәрендә үз битендә.

Татар-информ

Запись Теракт вакытынды Ниццада Казан журналисты һәм опера җырчысы Аида Гарифуллина да булган [видео] впервые появилась Tatar Today - татар яңалыклары..

 «Телепрограмма» басмасына Аида Гарифуллина элеккеге теннисчы белән бер ел элек уртак танышлары уздырган кичәдә танышуын әйткән иде. Күп тә үтмәде, Аида Гарифуллинаның корсаклы булуы да билгеле булды. Якынча, җырчы йөклелекнең 6 аенда.

Күптән түгел алар Казанга килеп киткәннәр иде, ә хәзер Аида белән Марат Франциядә романтик сәяхәттә. Франциядә Аида Гарифуллина турында фильм да төшереләчәк.

Мәгъүмат Реальное время сайтыннан, фотолар  Инстаграм битләреннән алынды

Запись Опера җырчысы Аида Гарифуллина һәм Марат Сафин бәби көтә [фото] впервые появилась Tatar Today - татар яңалыклары..