– Бу – беркем өчен дә матур күренеш түгел. Моннан беркем дә отмый, барысы да отылалар гына. Минем өчен бигрәк тә күңелсез хәл, Миякә туган районым. Шундый хәл булыр дип кем уйлаган… Кыргыз-Миякә гомер-гомергә талантларга бай, толерант, киң күңелле, күпмилләтле район ул. Мин  монда район хакимиятен дә гаепли алмыйм. Нишләсеннәр инде алар, өстән әйтелгән сүз бит, ә аларга үтәргә һәм бөтен тукмакларны үз өсләренә алырга туры килә. Шушы акылсыз эшне эшләргә кушкан чиновник әйтте дә, читкә качты инде, без аның исемен дә белә алмабыз… Ә бит бу очракта иң начары –җырчыны яратып, акчасын түләгән тамашачы уңайсыз, аңлаешсыз хәлдә калган. Инде килеп туган хәлне маршрут кәгазе юк дигән сылтау белән капларга тырышу – бик иске ысул, уткән гасырдагы инструмент. Советлар заманында бар иде ул, хәзер аны яңадан кайтарырга тырышу бик кызык хәл. Без бит инде бөтенләй икенче заманда яшибез, таш гасыр түгел, мондый алымнар мәгълүмат заманында эшләми. Бөтен халык шул ук мизгелдә барын да белә, үз фикерен шунда ук белдерә. Кертмибез, тыябыз, ябабыз, сүндерәбез дигән ысул инде кирегә генә эшли бу заманда?!

Маршрут кәгазе кирәк булгач, нишләп билетларны сатканнар соң? Күпме кеше эшләгән, бер ай алдан реклама бирелгән, коллектив күпме юл үтеп килгән. Аны алдан әйтеп булмадымы икән? Концерт алдыннан һичьюгы консультация үткәрергә, аңлашырга кирәк иде. Нәрсәдер бәлки әйтергә, җырларга ярамыйдыр, ә нәрсәнедер киресенчә, әйтергә, менә бу нормаль мөнәсәбәт булыр иде… Әлбәттә концертлар куелган булса, минемчә, барысы өчен дә уңай булган булыр иде. Мәдәният булеге дә, сарае да, җырчы да, тамашачы да отар иде. Фирдүс ике көн концерт куйганнан гына нәрсәдер начар якка үзгәрмәс иде. Мин коллегам алдында, Фирдүс алдында гафу үтенәм. Үз районымда шундый хәл килеп чыкканы өчен миңа бик уңайсыз. Мин аны аңлыйм, үзаллы эшләү бик җиңел түгел, коллективны тотарга, хезмәт хакы, салымнар түләргә кирәк. Мондый аяк чалу ул финанс ягыннан да, мораль яктан да бик авыр. Бирешмәскә, провокацияләргә бирелмәскә инде. Ә мондый фәрманны бирүчеләр, акылсыз ысулны кулланучылар республика җитәкчесен дә уңайсыз хәлдә калдыра. Ике республика җитәкчесе арасында эшлекле мөнәсәбәтләр барлыкка килде, бу хәл әлеге мөнәсәбәтләргә күләгә төшермәс дип ышанасы гына кала.

Чыганак: "Ватаным Татарстан" 

Запись Айдар Галимов Фирдүс Тямаевтан гафу үтенде: «Шундый хәл булыр дип кем уйлаган» впервые появилась Tatar Today - татар яңалыклары..

Юмор остасы Данир Сабиров Инстаграм битенә яңа пародияләр яздырып чыгара. Аңа ярдәмгә музыкант Роберт Хәлилов та килә.

Һава десантлары гаскәрләре көнендә Данир Сабиров кечкенә онлайн концерт оештыра. Татар эстрадасының җырчыларына пародияләр ясап, Инстаграм битенә урнаштыра. Алар арасында Айдар Галимов, Фирзәр Мортазин, Габделфәт Сафин, ИлСаф, хәтта Флүрә Сөләйманова да бар.

Чыганак: Данир Сабировның Инстаграмы

Запись Данир Сабировтан яңа пародияләр: Айдар Галимов, Фирзәр Мортазин, Илсаф һәм? [видео] впервые появилась Tatar Today - татар яңалыклары..

− Айдар абый, Роберт абый белән соңгы арада элемтәдә идегезме?
– Роберт абыйның китүен авыр кичердем. Дөресен әйткәндә, үземне начар төш күргәндәй хис итәм. Хәзер уянырбыз да, барысы да үзгәрер, мыек астыннан гына елмаеп, юморга бай сүзләре белән Роберт абый килеп чыгар төсле. 8 Мартта бер чарада булган идем, җырладым. Шунда Таңсылуны күреп алдым, бу җырны тыңлаганда елап утырды ул. Шул вакытта ук күңелгә шом кергән иде инде… Безгә барысын да әйтеп бетермәделәр бит. Авыру – авыру, үтәр, җиңәр дигән өметтә булдык. Телефоннан аралашканда да Роберт абый берни сиздермәс иде! Ай-һай, ничек шундый көчле рухлы булырга кирәк?! Егет икән! Мин Роберт абыйны яхшы беләм дип уйлыйм идем, белеп бетермәгәнмен шул… Роберт абый белән гел элемтәдә булдык. Әмма соңгы вакытларда аралашу җитмәде дип уйлыйм. Соңарып үкенәбез шул. Их, сөйләшәсе, серләшәсе булган. Мин аңа гел: «Роберт абый, син – дустым да, тәнкыйтьчем дә, терәгем дә», − дип әйтә идем. Тәнкыйтьнең төрлесе була. Роберт абый булышу йөзеннән, миңа, иҗатыма уңай булсын өчен тәнкыйтьли иде. Аны бөек шәхес дип әйтүдән дә курыкмыйм.

– Җырланмаган җырлар калдымы?
– Җырлар калды. Җырлар дигәннән… Роберт абыйның «Сөюләрем инде үткәннәрдә» шигыренә Башкортстаннан Вилдан Фәйзуллин көй язган иде. Бу җырны күптән якын итеп йөргән идем инде, бигрәк тә Роберт абыйныкы булгач. Шушы җырны ничек тә булса эшләп чыгарга дигән карарга килдек. 27 мартта, йоклар алдыннан, шуны тыңлап: «Тизрәк эшкәртеп, Роберт абыйга тыңлатасы иде», − дип уйлап яттым. Иртән торуга, Инстаграмны ачам, шомлы хәбәр… Бу җырны әле барган концерт программасына өстисем килә. Аның истәлекләре, фотолары белән үрелеп барачак ул. Бу җыр булырга тиеш дип уйлыйм, чөнки Роберт абый – минем иҗатка зур йогынты ясаган кеше. «Минем җырларымны җырлап кеше булдың, Айдар», − дип, шаяру катыш әйтә иде ул. Хак та әйткән бит!

– Роберт абыйга бәйле истәлекләр сездә күптер…
– Бер җәйне Роберт абый белән Башкортстан якларына кайтып килдек. Мин рульдә, ул минем янымда. Шулай икәүдән-икәү туган якларны әйләнеп кайттык. Бишбүләк, Миякә, Акмулла, Фатих Кәримнең туган авылларында булдык… Моңа да сөенеп туя алмыйм, ярый шуңа өлгергәнбез әле. Шул чакта аның чын-чынлап халык шагыйре икәнен аңладым инде. Безнең өебездә булды, әти-әнием белән очрашты, икәүдән-икәү генә калып сөйләшеп утырдык. Бу истәлекләрне күңел дәфтәрендә саклап, киләчәктә кәгазьгә дә төшереп булса иде. Күңелем бер нәрсәгә тыныч: соңгы юбилей программама Роберт абыйны чакыра алдым һәм ул килде. Концертны башыннан ахырынача карап утырды. Аның «Өянкеләр-тупыллар»ын җырлаганда, залга төштем, күрештек, кочаклаштык. Якыннан күреп, соңгы кочаклашуыбыз булган икән. Халык арасында, җыр аша күрешеп хушлашканбыз. Роберт абый гаилә җанлы кеше иде. Клара апа, балалары, оныклары дип янып торучы, үрнәк кеше. Аның туган авылына, әнисенә, иленә, теленә булган мөнәсәбәтен әйтеп аңлатырлык түгел. Шундыйлар безне данлый да, тарихта эзле итеп калдыра да инде.

Чулпан Гарифуллина

Чыганак: Ватаным Татарстан сайты

Запись Роберт Миңнуллин Айдар Галимовка: «Минем җырларымны җырлап, кеше булдың син» [видео] впервые появилась Tatar Today - татар яңалыклары..

V татар музыкаль премиясе 2020 елның 20 августында тапшырылачак. Ул 2020 елның 5 апрелендә узарга тиеш иде, ләкин илдә булган сәбәпләр аркасында күчерергә туры килде.

4 ел рәттән бүләкләр бирү берничә номинация буенча башкарыла. Һичшиксез, җыр, җырчылар, төркемнәр, клиплар арасында иң яхшыларны сайлап алачаклар.Бу язда кичәнең барлык лауреатларына һәм кунакларына яңадан бу язның иң көтеп алынган, эксклюзив, позитив һәм истә калырлык атмосферасына чумарга туры киләчәк. Кызыл юлда Айдар Галимов, Гүзәл Уразова , Илдар Хәкимов, Ришат Төхвәтуллин, Ризат – Зинирә Рамазанова, Ләйсән Гыймаева, Нәфкать Нигъмәтуллин, Иркә, Чәчкә, Хәмдүнә Тимергалиева кебек танылган татар башкаручылары булачак.

Татар эстрадасы

Юлия Зарга

Әнвәр Нургалиев белән Юлия Зарга

Запись Казан Экспода иң популяр татар җырчылары очраша [ фото/видео ] впервые появилась Tatar Today - татар яңалыклары..

Айдар Галимов мәҗлескә килгәч, аның янына Аполлон исемендәге координатор килә һәм Әнвәр Нургалиев репертуарыннан җыр җырларга сорый.

Айдар Галимов бу хакта инстаграм битендә болай дип яза:

Мине менә шулай җиңел розыграть итерләр дип беркайчан да уйламаган идем… Чара алдыннан Аполлон исемендәге ниндидер координатор минем яныма килде дә, миңа сәер сораулар бирә башлады, мин моңа гаҗәпләндем, ничек чыдаганмындыр, аны куып җибәрмичә… Ярар, Азат (ниндидер Аполлон түгел), үз эшеңне бик шәп башкарасың…
Һәм менә шулай ул барысын да диярлек розыграть иткән бит, һәркемгә дә уңайсыз сораулар тапкан һәм барысы да төрлечә җавап биргән… Моны соңрак экранда күзәтү күңелле булды…

Видео Айдар Галимов инстаграмыннан

Запись Айдар Галимов шокта. Аннан Әнвар Нургалиев җырын җырларга сорыйлар, ә ул моңа нәрсә ди? [Видео] впервые появилась Tatar Today - татар яңалыклары..

26 гыйнвар Татарстанның һәм  Башкортстанның атказанган артисты Вәсилә Фәттахованың вафат булуына 4 ел булды. Айдар Галимов аны концертында искә алып, Вәсилә Фәттахова белән дуэт башкарган иде. 

“Безнең сәхнәдә беренче адымнар, җырлар, клиплар, уңышлар бергә башланды… Кызганыч, эшләнмәгән эшләр, үтелмәгән юллар, җырланмаган җырлар калды. Мөмкинлек булган саен аның җырларын искә төшерәм. Җырларының озын гомерле булуын телим  һәм һәрвакыт дулкынланып аның исемен искә алам”, диде Айдар Галимов.

View this post on Instagram

A post shared by ⚡️TATAR TODAY агентлыгы⚡️🌍 🔊📺 (@tatar_today)

Запись “Җырланмаган җырлар калды” – Айдар Галимов концертында Вәсилә Фәттахова белән дуэт башкара [видео] впервые появилась Tatar Today - татар яңалыклары..

Башкортстанның һәм Татарстанның халык артисты Айдар Галимов икенче тапкыр дәү әти булган. Аның беренче кызы Гүзәл икенчегә бала тапкан. Бу хакта ул 31 декабрь “Болгар радиосы”нда туры эфир вакытында җиткергән. 

Чын күңелдән котлыйбыз! Сау-сәламәт, игеклекле бала булып үссен!

View this post on Instagram

A post shared by "Болгар радиосы" (@bolgarradiosi)

Мәгълүмат: bolgarradiosi

Запись Айдар Галимов гаиләсендә шатлыклы вакыйга впервые появилась Tatar Today - татар яңалыклары..

28-29 нчы ноябрь һәм 4 декабрь Казан Филармониясендә Татарстанның һәм Башкортстанның халык артисты Айдар Галимовның “30 ел бергә” дип исемләнгән юбилей концертлары уза. Ноябрь азагында узган тамашаларында җырчы сәхнәдән тамашачыга балачак сер-хыялларын сөйләде, иҗатташ дусты, мәрхүм Вәсилә Фәттахованы искә алып җыр башкарды һәм үз остазы Миңгол Галиевның хыялын да тормышка ашырды.

Юбилей сезон концертында яңа җырлар элекке җырлар белән үрелеп барды. Айдар Галимов “иске” җырларын башкарыр алдыннан, җыр белән бәйле берәр тарих та сөйләп, тамашаны үзенчә, Айдарча алып барырга тырышты.

“Хәзер ул балалар үсеп җиткәннәр инде. Яныма килеп “Айдар абый, рәхмәт. Нәкъ бу җыр чыкканнан соң миңа шушы исемне кушканнар”, дип әйтеп рәхмәтләр укыйлар”, дип сөйләде җырчы “Илүзәм” җыры турында.

Тамашачы концерт вакытында көлеп тә, моңланып та алды. Арабыздан яшьли китеп барган Вәсилә Фәттаховага багышланган номер башлангач, залда, күз яшьләрен тыя алмаганнар да күрендә. Мондый күренеш аңлашыла да, чөнки Айдар Галимов сүз белән генә чикләнмичә, видео мөмкинлекләрен кулланып, Вәсилә Фәттахова белән бергә “Ялгыз миләш” җырын башкарды.

Концерт карарга танылган кешеләр дә килгән иде. Әлфия Авзалованың кызы Зөлфия Авзалова Татар Тудейга Айдар Галимовның концертларына гел йөрим дип белдерде.

“Айдар белән таныш булуыма горурланам. Ул гомер буе чын күңеленнән үз эшен башкара. Аның җырларының һәрберсе тирән мәгънәле. Сәхнәдән сүз сөйләгәндә дә, аның һәр чыгышы уйландыра  торган. Менә шул ошый миңа, чөнки мин бер концерт эчендә төрле хисләр кичерәм. Әниләргә багышлап җыр башкарды-мин еладым. Ул җырдагы сүзләр дөрестән дә уйга сала тамашачыны”, ди Зөлфия ханым.

Казанда бу кичне халык Айдар Галимовның хыялын да белде. Популяр татар-башкорт артисты балачактан кинога төшергә хыялланган икән. Концертның бер өлеше нәкъ менә шул хакта иде. Совет заманының легендар фильмнарыннан алынган өзекләрдә, Айдар Галимов үзе дә актерлык осталыгын күрсәтеп күренеп алды. Шулай итеп, җырчы “Любовь и голуби” киносындагы төп герой Василийны уйнап күрсәтте. Халык рәхәтләнеп көлеп, Галимовның осталыгына тагын да сокланып кул чапты. “Неуловимые мстители” киносын беренче тапкыр күргәч, мин әлбәттә шулар янына килеп эләгергә хыялландым. Кызганыч, ул чагында режиссер очрамады юлымда”, дип сөйләде халыкка Айдар Галимов.

Җырчының хыялы әлегә тулысынча чынга ашмаса да, Айдар Галимов тамаша вакытында, үзе дә шуны сизмичә, остазы Миңгол Галиевның хыялын тормышка ашырды. Миңгол ага сәхнәгә менеп шәкерте турында сүз сөйләгәндә, аны беренче тапкыр ничек Казанга укырга чакырганын искә төшерде.

“Син шулкадәр матур җырлыйсың, бәлки Казанга керерсең укырга дигәч, “Юк, Миңгол абый, мин юрист булам”, дидең. Айдар, син гомерем буе кинода төшергә хыялландым дидең, ә менә мин гомерем буе укытам да укытам. Иң зур хыялым шул иде “И, Ходаем, мине берәр шәкертем үз концертында җырлатсын иде”, дип теләдем!”, диде Миңгол Галиев. Чыгышының азагында Миңгол ага үз хыялын тормышка ашырды. Шәкертенә багышлагандай “Туган җиремә” дигән җырны башкарды. Халык дәррәү күтәреп алкышлады.

Галимов концерт тәмамланыр алдыннан тугъры тамашачысын, замана агышына артык бирешмичә, булган рухи кыйммәтләрне сакларга чакырды. Шушы киңәш итеп әйтелгән сүзләр тамашачы күңеленә дә хуш килүен ишеттек.

“Әлеге концерттан соң якты хисләр белән кайтып китәм. Айдар абыйның иҗаты белән балачактан ук таныш. Казанга килүен көтеп торам. Бүген бигрәк тә әти-әни турындагы җыр уйларга мәҗбүр итте. Айдар абыйның, вакытның бик тиз үтеп китүе, аны туктатып булмавы турында сөйләве дә үзенә күрә бер уйга салды”, диде сөйләде татар-тудейга Земфира Җиһаншина исемле тамашачы.

Концерттан соң, гадәттәгечә, җырчы халык янына чыгып, фотога төште, автографлар таратты. Тамашачы исә яраткан җырчысын озак вакыт җибәрми торды, һәрберсе аерым килеп Айдар Галимовка рәхмәт сүзләрен әйтеп, киләчәккә теләкләр теләп калды.

Айдар Галимовка — 30? [фоторепортаж]

Запись Айдар Галимов Казанда балачак хыялларын ачты. Вәсилә Фәттахова, Миңгол Галиевлар аңа рәхмәтлеме? [видео] впервые появилась Tatar Today - татар яңалыклары..

 28-29 ноябрь Казанның Филармония залында популяр җырчы, Татарстанның һәм Башкортстанның халык артисты Айдар Галимовның 30 нчы юбилей сезон концертлары узды.

Айдар әфәнде сәхнәдән, күп еллар дәвамында күңелендә сакланган серләрен тамашачыга ачып бирде, бергәләп Вәсилә Фәттахованы искә ала һәм хәтта остазы Миңгол Галиевның хыялын да чынга ашырды.

Билетлар күптән сатылып беткән, кем өлгермәде Татар Тудей / Татар Бүген фоторепортажын карый аласыз. Тиздән видеорепортаж булачак.⠀

Запись Айдар Галимовка – 30? [фоторепортаж] впервые появилась Tatar Today - татар яңалыклары..

Үзен башкорт булуын яшермәгән популяр җырчы Элвин Грей молодец, Русия башкаласында татарлар белән татарча сөйләшеп, “Без булдырабыз!” дип инстаграммында сторис-репортаж ясап йөри. Үткән атна азагында ул елда узучы “Татарстан-Мәскәү күпере” форумының хөрмәтле кунагы иде.

Татарстан президенты Рөстәм Миңнеханов Элвин Грей белән “Нихәл?” дип күрешә, янәшәдә басып торган халык артисты Айдар Галимовны президент тагын да якын итеп, кочаклап күрешә, Элвинга күрсәтеп, “Яшәрәсең син!” дип шаярта. Боларның барсын да Радик телефонга төшерә, анда дөнья чемпионы Алинә Заһитова, герой очкыч Дамир Йосыпов кебек танылган татарлар да күренә, алар бу очрашуның төп геройлары иде!
⠀
Форумда чыннан да шәп татар кунаклары катнаша, әмма президент Рөстәм әфәнде белән узган “Татарстан-Мәскәү күпере”нең рәсми өлешен оештыручылар русча алып баралар. Казаннан киткән татарлар Русия башкаласында “кеше булгач” телләрен онытканнармы? Тәрҗемәчеләр белән эшләп буладыр бит яки 50гә 50 ахыр чиктә. Ә монда 99% русча сөйләм була…Шуннан соң телебезне сакларга, үстерергә кирәк дигәндә аларның йөзләре ничек кызармый ул?!
⠀
Башкорт булып туган, татар-башкортның популяр җырчысына әйләнгән Элвин Грей да бит “Без булдырабыз!” дип татарча сөйләшеп йөрергә әзер.

Безнең татар булып туган, татар саналучы татарлар чын күңелдән, мишәрчә-нижгарча-мәскәүчә-казанча диалект белән татарча форумнар оештыра башларлар икән⁉️

Запись Элвин Грей “Мәскәү-Татарстан күпере”ндә кызык видео төшерә, Рөстәм Миңнеханов аңа нәрсә ди? впервые появилась Tatar Today - татар яңалыклары..