Әлеге эшнең беренче адымы — «Салават күпере» журналының яңа концепциясен булдыру. Бу максаттан идеяләр бәйгесе игълан ителде.

«Хәзерге вакытта балалар матбугаты кәгазь журналлар белән генә туктап калмаска тиеш. Максатыбыз балалар өчен милли-мәдәни дөнья барлыкка китерү», — диде Садыйков. Бу нисбәттән «ТАТМЕДИА» бинасында балалар өчен мультимедиа лаборатория булдырылачак, ул үз эченә кәгазь журнал әзерләү, ютуб-каналлар өчен видеоконтент булдыру, блоглар ясау, смартфоннар өчен әсбаплар әзерләү һәм башка юнәлешләрне алачак.

Яңа концепция нигезендә, «ТАТМЕДИА», Татарстан китап нәшрияты һәм «Шаян ТВ» телеканалы өчен яңа уртак геройлар булдыру күздә тотыла.

Шамил Садыйков иҗатчыларны идеяләр бәйгесендә катнашырга чакырды. Әлеге конкурста рәссамнар гына түгел, язучылар, журналистлар, шагыйрьләр, башка иҗат әһелләре дә катнаша ала, диде ул.

Бәйге 2020 елның 2 мартында башланып, 2020 елның 28 апреленә кадәр дәвам итәчәк. Бәйгенең нигезләмәсе «Салават күпере» журналы сайтында урын алган. Бәйгегә жюри әгъзалары итеп балалар, шул исәптән җырчы Ландыш Нигъмәтҗанованың кызы Ләйлә һәм Арслан Сибгатуллин чакырылган.

«Салават күпере» 1990 елның 1 мартында нәшер ителә башлаган, Татарстан Республикасындагы беренче төсле журнал. Быел журнал нәшер ителүенә 30 ел булачак. “ТАТМЕДИА” акционерлык җәмгыяте балалар өчен, “Салават күпере” журналыннан тыш, “Сабантуй”, “Көмеш кыңгырау” һәм “Ялкын” басмалары нәшер итә.

Мәгълүмат Ватаным Татарстан

Запись Ландыш Нигъмәтҗанованың кызы Ләйләне нинди эшкә чакырганнар? впервые появилась Tatar Today - татар яңалыклары..

“Безне берәр кая чакырсалар, Арсланның гадилегенә аптырыйлар. Бернинди дә йолдыз чире юк, без моны контрольдә тотарга тырышабыз. Аны һәрвакыт тыйнак булырга өндибез. Садикта да мин аңа йолдыз буларак карамагыз дим. Ул безгә еш кына «Нишләп мине бөтен кеше дә таный соң?» дигән сораулар бирә.

Әле менә Михаил Евдокимовның «Земляки» фестивалендә Алтай якларында булып кайттык. Безгә Алтайның гимнын өйрәнергә куштылар. Бу бик җаваплы эш иде, аны тамашачылар басып каршыладылар, Алтай өлкәсенең губернаторы да басып кул чапты. Арслан янына килеп фотога төшергә сораучылар, «Без монда махсус Арсланны күрергә килдек» диючеләр күп булды.

Балалар өчен дә фестиваль булды, Арслан «Туган тел» шигырен сөйләп лауреат исеменә лаек булды. Без «Туган тел»не, татарча җырларны онытмаска тырышабыз, барысы да шулардан башланды бит. Күптән түгел Арсланга Эльмир Низамов музыкасы, Җәүдәт Сөләйманов сүзләренә җыр язылды, хәзерге вакытта без аның өстендә эшлибез. «Мин яратам туган илемне» дип атала ул җыр, матур клип та төшерергә планлаштырабыз”, дип сөйләгән Арсланның әнисе Гүзәл Сибгатуллина.

Сәхнә

Запись Кечкенә йолдыз Арслан Сибгатуллин: «Нишләп мине бөтен кеше дә таный соң?» впервые появилась Tatar Today - татар яңалыклары..

– 11 май, туган көнемдә «Беренче канал»дан шалтыраттылар, – дип сөйләде безгә Арсланның әнисе Гүзәл Сибгатуллина. – “Бу видео телефонга килгәч, без аны күреп шаккаттык. Шунда ук сезне эзли башладык”, – диделәр. Мине Г.Камал театры аша тапканнар. “Зинһар, беркемгә интервью бирмәгез, без беренче булырга тиеш”, – дип, Андрей Малаховның “Пусть говорят” тапшыруына чакырдылар.

– Әлеге тапшырудан нинди хисләр белән кайттыгыз?

– Оештырулары бик югары дәрәҗә иде! Самолетка билет бәяләрен, кунакханәләргә үзләре түләде, аэропорттан ук каршы алдылар. “Мәскәүдә каласыгыз килсә, тагын берничә көнгә тоткарлана аласыз, үзебез түлибез”, – дип тәкъдим дә ясадылар. Гаилә белән күптән инде беркая да чыккан юк иде. Ике көн бергәләп ял иттек. Әниебез дә безнең белән барды. Тапшыру төшерелгәндә кечкенә улыбыз Әскәрне ул карап торды. Андрей бик ачык кеше. Беренче тапкыр коридорда күрешкәндә үк: “Здраствуйте!” дип ягымлы итеп исәнләште.

– Арсланны тапшыру вакытында югалып калмас өчен озак әзерләдегезме?

– Ул безнең беркайчан, беркайда югалып калмый. Киресенчә, “күп сөйләшмә” дип тордык. Безнең сценарий буенча, Арслан Андрейга түбәтәй кидергән вакытта: “Менә бу түбәтәй. Татарстаннан алып килдем”, – дип әйтергә тиеш иде. “Ник әйтмәдең, улым?” дигәч, “оныттым” диде. Тапшыруның бик күп мизгелләрен кискәннәр иде. Арслан залдагы хатын-кызларга чәчәк алып чыга бит. Ә беренче чәчәген: “А где моя әника?” дип миңа бүләк иткән иде. Анысын кертмәгәннәр.

– Арслан – Татарстаныбызның горурлыгы. Тапшырудан соң мактау һәм рәхмәт сүзләрен күп ишеткәнсездер?

– Тапшырудан соң, Андрей Малахов белән фотога төштек. Шунда ул: “У вас удивительный мальчик! Такой артист! Талант!” – дип әйтте. Тапшыруга килгән кунаклар арасында да соклану хисләрен белдерүчеләр күп булды. Бер актриса: “Сезнең “Священная война” видеосын карагач, улым “Үлемсез полк»ка чыгарга телим”, дип белдерде”, – диде. Әлегә кадәр күп рәхмәт сүзләре ишетәбез. “Арслан җырлаганда бөтен Татарстан торып басты”, – диләр.

Запись 4 яшьлек Арслан Сибгатуллин катнашкан Андрей Малаховның “Пусть говорят” тапшыруында нәрсәләр күрсәтелми? [фото-видео] впервые появилась Tatar Today - татар яңалыклары..

Казан Сабан туенда Арслан шигырь сөйләгән видео

Запись Өч яшьлек Арслан Рөстәм Миңнехановның күзенә җитди карап ни әйтергә тели? [видео] впервые появилась Tatar Today - татар яңалыклары..