7 июль көнне Казанның Горки-Әмәт урман паркында “Болгар радиосы”ның ачык һавада узган концертында танылган җырчылар Рифат Зарипов, Булат Нигъмәтуллин һәм Лилия Хәйруллина Лейнаның “Малай на белом Барсе” исемле җырына карата “Tatar Today”га үз фикерләрен җиткерде.

Рифат Лейнаның русча-татарча җырын начармы яки яхшымы димәде, конкрет җаваптан читләшеп, үзенең хөкемдар булмавын белдерде.

– Русча-татарча җырны кирәк дип санасалар, кирәктер инде, мин хөкемдар түгел. Әгәр минем стильгә туры килә, әгәр халык ярата икән, халыкка кирәк икән, нишләп җырламаска, – диде ул.

Булат Нигъмәтуллин уйлавынча, әлеге җыр кызык уйлап табарга кирәк булганга язылган.

– Бу җыр безне русча сөйләшүчеләр арасында популярлаштыра, чөнки үзегез беләсез, татарларның күбесе татар телен белми, шуңа күрә алар кызыксынып тыңлый башлыйлар. Катнаш булса булсын, барыбер Татарстан турында бит. Үзем шундый җырларны җырлар идемме, аны әйтеп булмый. Минем тыңлаучылар 18-56 яшькә кадәр һәм өлкәнрәкләр дә бар, – ди җырчы.

Лилия Хәйруллина да интернетны шаулаткан әлеге җыр турында фикерен үзенчә аңлатырга тырышты. Шаян, яшь кешеләргә мондый җырларны яздыруның гаебе юклыгын әйтте.

– Һәр кешенең үз стиле булырга тиеш. Әгәр синең зур шәхес буласың килә икән, әлбәттә, алай көлеп җырларга кирәкми, культурага игътибар бирергә, халык җырларын, классик җырларны өйрәнергә кирәк. Мин русча-татарча җырны башкарыр идем, бәлки, ләкин андый шаянлыкның чиге булырга, текст яхшы булырга тиеш. Әгәр дә инде культура кысаларында икән, тексты да, музыкасы да матур икән, нигә җырламаска, яшьләргә дә бит нәрсәдер тыңларга кирәк, – дип сөйләде Лилия Хәйруллина

Запись Лейнаның интернетны шаулаткан җыры турында Рифат Зарипов, Булат Нигъмәтуллин, Лилия Хәйруллина ни уйлый? впервые появилась Tatar Today - татар яңалыклары..

– Моңа кадәр гел сеңлем Дилә белән концерт куя идек. Быел халыкка үземне башка яктан ачасым килде, – дип сөйләп китте ул.

– “Торналар” җырын башкардыңмы соң?

– Әйе. “Якын дустың барын онытма”, “Миләүшәләр үскән аланда”, “Сөям диеп яз әле”не дә яңартып башкардым. Элеккеге җырларны тамашачы көтеп утырды кебек, сиздем. Шулай ук үзем язган җырларны да башкардым. Бу яктан композитор Марат Мухинның да өлеше зур. Бергәләп яңа җырлар иҗат иттек.

– Хәзер шундый заман: бер җырчы икенче җырчының популяр җырын аннан сорамыйча гына алып башкара. Имеш, авторлары белә. Синең “Тор­налар”ыңны Элвин Грей алса, риза булыр идеңме?

– Авторлардан “Торналар”ны сорый алмас ул, чөнки музыкасын иҗат иткән Радик Гатауллин инде мәрхүм. Менә 15-20 елдан соң җырласалар ярый. Әле мин карт түгел бит, үзем рәхәтләнеп башкарам.

Әңгәмәне тулысынча “Акчарлак” газетасының 17 нче саныннан укый аласыз.

Фото: соцсети

Запись Булат Нигъмәтуллин: “Элвин Грей моны сорый алмас. Әле мин карт түгел бит” впервые появилась Tatar Today - татар яңалыклары..

11 апрель 18:30да Габдулла Тукай исемендәге Татар дәүләт филармониясендә Татарстанның атказанган артисты Булат Нигъмәтуллинның күптән көтелгән сольный  концерты узачак. Берничә елга сузылган тәнәфестән соң, җырчы тамашачыларына кызыклы программа һәм сюрпризлар вәгъдә итә.  

Беренчедән, концертта “Шулкадәр сагындым, күрәсем килә” дип елавы белән бар Интернет дөньясын үзенә гашыйк иткән Мәскәүдә яшәүче мишәр егете Рәфис Атаказов катнашачак. Ул Булат белән бергәләп концертны алып барачак һәм юмор өчен җавап бирәчәк.

“Сез аны үзегез өчен бөтенләй икенче яктан ачачаксыз. Ул шулкадәр эрудицияле шәхес. Китап җене кагылган дияр идем. Чүплектә китап күрсә, алып кайтып, рәтләп, төзәтә торган кеше ул,” ди Булат Нигъмәтуллин Рәфис Атаказов турында, соклануын яшермичә.

Моннан тыш, программаны кайнар дәртле биюләре белән Артур Хәйруллин җитәкчелегендәге “Будда” шоу-балеты төрлеләндерәчәк.

Шулай ук концертта Дилә Нигъмәтуллина, Альбина Апанаева, Булат башкаруындагы “Яратам сине генә” хитының сүзләр авторы Анна Попова катнашачак.

“Дилә белән концертларым сирәгәймәде. Алда безне яңа дуэтлар көтә. Сер итеп кенә әйтәм, безнең башкарудагы популяр хитның икенче өлеше – “Абый белән сеңел-2″ җыры да әзер. Тиздән чыгачак”, дип аңлатты Булат. “Быел тамашачыга күбрәк үземнең ачыласым килде. Бу концерт бик үзенчәлекле булачак, чөнки монда Дмитрий Железнов җитәкчелегендәге Казанның малайлар акапелласы да катнашачак. Минем улым да берничә ел шушы төркемгә йөри. 30 кешелек хор минем репертуардагы җырлар башкарачак”, ди Булат.

Булат әйтүенчә, иң кызыгы, программада “татарча ВИА Гра“: Дилә, Альбина Апанаева һәм Анна Попова триосы булачак.

“Концерт куярга нәрсә көч, этәргеч бирә?” дигән сорау да бирдек артистка. “Иҗат. Тугры тамашачыларыма җыелган уй-фикерләремне җиткерәсе, аларны уйландырасы килү теләге. Интернет, Инстаграм аша гына барысын да әйтеп бетерп булмый. Бары тик концертка килгәч кенә артистның кемлеген, ни әйтергә теләгәнен аңлыйсың”, дип уртаклашты Булат Нигъмәтуллин.

 

Посмотреть эту публикацию в Instagram

 

Көтеп калабыз сезне, дуслар❗️ 11 апрель, Казан, Филармония❗️ Концертның серләрен һәм дә минем турында башка кызыклы мәгълүмать беләсегез килсә, ?31 МАРТ КӨННЕ 18:00 СӘГ. НАЗЛЫГӨЛ белән ТАТАР РАДИОСЫНДА “Менә мондый кич?” ❗️ тапшыруын тыңлагыз❗️ @nazluk @tatarradiosi @tmtvonline #булатнигматуллин

Публикация от Булат Нигматуллин (@bulatnig) 29 Мар 2019 в 7:45 PDT

Запись Булат Нигъмәтуллинның сольный концертында “татарча ВИА Гра” җырлый впервые появилась Tatar Today - татар яңалыклары..

Армавир Сабан туена Казаннан Дилә Нигъмәтуллина, Альбина Апанаева һәм аларның кызлары да барган. “Без инде бер очтан ял итеп кайтырга да уйладык. Иң элек Сочига барып урнаштык, аннан поезд белән Армавирга юл тоттык. Сочи белән Армавир арасы – 350 чакрым. Шулай ук Лоо бистәсендә дә булдык. Гаиләсез баруымны белгәч, Лоода яшәүчеләр шаярып: “Лоо – Лучше Отдыхать Одному”, – дип көлде. Гаилә белән җылы якка ял итәргә бару турында төгәл уйлашмадык әлегә. Узган ел кинәт кенә Мисырга очкан идек, бәлки быел да шулай тиз арада гына планлаштырырбыз”, – диде Булат Нигъмәтуллин.
Интертат

Запись Булат Нигъмәтуллин гаиләсен үзе белән ялга алмаган впервые появилась Tatar Today - татар яңалыклары..