(Казан, 20 октябрь, «Татар-информ»). Террорчылык эшчәнлегендә шикләнелгән 36 яшьлек казанлыны тикшергәндә патроннар, кулдан ясалган шартлаткыч корылма һәм радиостанция өчен элементлар табылган, дип хәбәр итә Татарстан буенча Эчке эшләр министрлыгы матбугат хезмәте.

Радикаль ислам тарафдары булган әлеге зат Россиядә тыелган Сириядәге халыкара террорчылык оешмасында катнашучылар, ИГИЛ вәкилләре белән элемтәдә торган, террорчылыкка тотылачагын белә торып, аларга акча җибәргән.

Террорлык гамәлләрендә шикләнелгән бу адәмне Татарстан Эчке эшләр министрлыгының Экстремизмга каршы үзәк хезмәткәрләре РФ Куркынычсызлык федераль хезмәтенең республика буенча идарәсе коллегалары белән бергә тоткарлаган.

Россия Тикшерү комитеты хезмәткәрләре “Террорчылык актына әзерләнү” һәм “Террорчылык эшчәнлегендә катнашу” маддәләре буенча җинаять эше кузгаткан. Тикшерү комитеты ачыклаганча, 2016 елның июлендә җинаятьләрдә шикләнелгән бу адәм пиротехника эшләнмәләреннән өч шартлаткыч ясаган. Аннары республиканың бер торак пункты читендә ташландык склад биналары арасында сынап караган. Әлеге шартлаткычны Казанда берәр завод территориясендә террорчылык акты кылганда кулланырга планлаштырган.

Казанның Совет районы суды хокук саклаучылар тоткарлаган ир-атны ике айга кулга алырга карар чыгарган.

Запись Рәсми мәгълүмат: Казанда ИГИЛ яклылар шартлау оештырмакчы була впервые появилась Tatar Today - татар яңалыклары..

Татарстанда Сириядә “Ислам дәүләте” террористик оешмасында (ИГ, Русиядә рөхсәт ителмәгән) хезмәт итүдә шик тоткан Русия гражданины тотылган, дип хәбәр итә Федераль куркынычсызлык хезмәте идарәсенең иҗтимагый элемтәләр үзәге.

“Русиянең Татарстан буенча Федераль куркынычсызлык хезмәте идарәсе һәм Русиянең Екатеринбург өлкәсе буенча Федераль куркынычсызлык хезмәте идарәсе тарафыннан Әлмәт муниципаль районында 1978 елда туган Русия гражданины Шоев Шәрифбәк Шоди улы тотылган, ул “Чит дәүләттә шул дәүләтнең законнары белән каралмаган, Русия Федерациясе законнарына каршы килгән хәрби хезмәттә катнашу” җинаять эше буенча шик астында булган иде”, дип хәбәр ителә.

Билгеле булганча, Шоев 2013нче елда Сириядә булган, шунда “Ислам дәүләте” лагерьләрендә хәзерлек үткән һәм хәрби гамәлләрдә катнашкан.

2016 елда ул Русиягә кайткан.

Хәзерге вакытта Шоев Шәрифбәк Екатеринбург шәһәренә, элекке яшәү урынына конвой белән озатылган.

Мәгълүмат “Риа Новости” сайтыннан алынды

Фото: 3mv.ru сайтыннан

Запись Татарстанда ИГИЛда хезмәт итәргә мөмкин кешене тотканнар впервые появилась Tatar Today - татар яңалыклары..