10г чүпрә, 100мл җылы су, 50г шикәр комы, 50г маргарин, 600г он, 250мл кефир, 1 йомырка, тоз, йөзем, 1 йомырка сарысы.

Крем өчен: 250мл сөт, 40г шикәр комы, 20г крахмал, 1пач ванилин, 2 йомырка сарысы.

Пешерү тәртибе:

Кремны пешерү өчен бары барлык ингредиентларны кушып, салмак утта куерганчы пешереп алу кирәк.

Чүпрәне җылы суга салабыз, 1 аш кашыгы шикәр комы өстибез дә 10-15 минутка калдырабыз.

Кефирны бераз җылытып алабыз.

Онга шикәр комы, тоз салабыз.

Маргаринны эретәбез.

Онга кефир, йомырка, маргарин, чүпрә салып йомшак камыр басабыз һәм  1, 1,5 сәг калдырып торабыз. Камыр әзер булгач түгәрәкләп җәябез һәм майлап алабыз. Юылган йөземнәрне салабыз да, камырны рулет итеп терәбез. Килеп чыккан рулетны кисәбез. Матур формага китереп кабартмаларны майлы табага тезәбез. 10-15 минуттан духовкага куябыз. Пешкән кабартмаларга крем салып чыгабыз.

Чәйләрегез тәмле булсын!

Запись Кремлы кабартма рецепты впервые появилась Tatar Today - татар яңалыклары..

300 г он, 1 бал кашыгы чүпрә, 0,25 стакан шикәр комы, 0,5 бал кашыгы тоз, 1 йомырка, 2 аш кашыгы көнбагыш мае, 120 мл җылы су.

Аерым: 100 г тәмле атлан мае, шикәр пудрасы, үзегез теләгән эчлек.

Пешерү тәртибе: 

Он, шикәр комы, тоз, чүпрәне  бергә кушып болгатырга. Калган ингредиентларны салып бетереп йомшак камыр басарга һәм өстен каплап беразга калдырырга.

Камырны алып 4 кисәккә бүлергә.

Камыр белән эшлисе өстәлне атлан май белән майларга. Камырның бер кисәген алып, тарткалап шакмаклап җәяргә һәм тагын бер кат атлан май белән майларга.

Камырның бер ягына эчлек салырга һәм рулет итеп төрергә. Килеп чыккан рулетны әкәм-төкәм (улитка) формасына китерергә һәм майланган табага куярга. Калган камыр кисәкләре белән дә шул эшне башкарырга. Килеп чыккан кабартмаларны 30 минутка калдырып торырга. Соңыннан,  180 градуска кадәр кызган духовкада 20 минут чамасы пешерергә. Әзер кабартмаларны шикәр пудрасы ярдәмендә бизәргә.

Запись Испанча пешерелгән кабартма рецепты впервые появилась Tatar Today - татар яңалыклары..

8 г коры чүпрә, 600 г он, 250 мл сөт,  4 йомырка сарысы, 100 г май, 2 пакетик ванилин, 100 г шикәр комы, чеметем тоз.

Майлар өчен: 2 аш кашыгы сөт өсте, 1 йомырка сарысы.

Пешерү тәртибе:

Җылы сөткә чүпрә, 1-2 аш кашыгы шикәр комы, 1-2 аш кашыгы он салып, 15 минутка җылырак җирдә калдырырга.

Соңыннан, сөткә калган шикәр комын, йомырка сарыларын, эретелгән май, ванилин салып болгатырга.

Калган онны ашыкмыйча гына салып бетереп, йомшак камыр басарга. Камыр бармакларга ябышмаска тиеш! Камырны җылы, караңгы урынга куеп торыгыз.

Камыр күтәрелеп, әзер булгач, куна тактасына төшерергә, бераз басып алырга һәм кабартмалар ясарга.

Кабартмаларны майланган табага төзәргә. Өсләрен йомырка сарысы белән кушылган сөт өсте белән майларга.

Тәмле кабартмалар 200 градус кызулыкта 20-25 минут пешә.

Запись Иң тәмле кабартма рецепты впервые появилась Tatar Today - татар яңалыклары..

Камыр әзерләү: Җылы сөткә чүпрә салып яхшылап болгатабыз, бераз тоз, он салып йомшак камыр басабыз да 30 минутка җылырак урында калдырабыз.

Камыр бераз кабаргач, йомырка сарысы белән бераз көнбагыш мае кушып, камырны янә басабыз һәм тагын беразга калдырабыз.

Балык итен вак итеп турыйбыз яки блендр ярдәмендә ваклыйбыз. Баш суган белән яшел суганны шулай ук вак итеп турыйбыз.

Майлы табада башта суганны кыздырабыз, аннары балыкны өстибез. Ахырдан яшел суган белән, тәмләткечләр салып, аз гына кыздырып алабыз.

Әзер камырны 12-14 кисәккә бүләбез. Һәр кисәкне түгәрәкләп җәябез дә 1,2 аш кашыгы эчлек салабыз. Камырның як-якларын тоташтырып чеметеп чыгабыз, бераз камырның өстен ачык калдырырга да була. Кабартмаларның өстен йомырка сарысы белән майлап, 200 градус кызулыктагы духовкага куябыз. Кызарганчы пешерәбез.

Ашларыгыз тәмле булсын!

Запись Балыклы кабартма рецепты впервые появилась Tatar Today - татар яңалыклары..