Архивы Казан Кремле - Tatar Today - татар яңалыклары.

Татарстан башкаласына “Ил аты” чабып килә [фото]

Редактор1 editor1 — Thu, 22 Sep 2016 23:17:58 +0000

Татарстан башкаласына “Ил аты” (“Конь-страна” ) чабып киләчәк.

Казан кирмәне янында “Конь-страна” (“Ил аты”) исемле скульптура барлыкка килергә мөмкин.

Идеянең авторы – Татарстан башкаласында туып, хәзерге вакытта Финляндиядә яшәүче сын остасы Рафаэль Сайфуллин.

Моңарчы ул хәзер Финляндиянең Турку шәһәрен бизәп торган “Конь-счастье” (“Бәхет аты”) скульптурасы өстендә эшләгән.

Автор уйлавынча, һәйкәл аркасында миниатюр татар авылы урнашкан 5 метрлы ат формасында булачак.

Мәдәният объекты «Кремлевская» метро станциясе янындагы күзәтү мәйданчыгында урнашачак.

Мәгълүмат kazan.mk.ru сайтыннан алынды

Фото: rajskij-sad.livejournal.com сайтыннан

Запись Татарстан башкаласына “Ил аты” чабып килә [фото] впервые появилась Tatar Today - татар яңалыклары..

Казан Кремлендә джаз көннәре үтә

Редактор1 editor1 — Wed, 20 Jul 2016 13:14:15 +0000

20 июльдә Казан кремлендә джаз көннәре башлана.

“KREMLIN CINEMA JAZZ SESSION” программасы кысаларында казанлылар һәм шәһәр кунаклары танылган кинокартиналар белән таныша алачак. Шулай ук концерт программасы да каралган. Алексей Карпов, Дмитрий Соломатин, Альберт Шегуров халык тарафыннан яратып кабул ителә торган классик композицияләр башкарачак.

Бүген “Рэй”, “В джазе только девушке” картиналарын карап булачак, ә иртәгә “Мы из джаза”, “Легенда о пианисте” фильмнары тәкъдим ителәчәк.

Шулай ук “Манеж” күргәзмә залында «Казань. Кинематограф. Из века в век» дигәнт выставка да оештырылган.

Запись Казан Кремлендә джаз көннәре үтә впервые появилась Tatar Today - татар яңалыклары..

Яңа банкнотларда Казанны танытачак символлар өчен тавышлар әлегә җитәрлек түгел

Редактор1 editor1 — Tue, 12 Jul 2016 07:17:13 +0000

200 һәм 2 меңлек банкнотларда сурәтләнәчәк символлар өчен Россиядә 63 мең кеше SMS аша тавыш биргән. Социаль челтәрләр аша тавыш бирүчеләр саны — 386 мең. Бу хакта 11 июльдә “эшлекле дүшәмбе” киңәшмәсендә Казан Башкарма комитетының икътисади үсеш комитеты рәисе Илдар Шакиров хәбәр итте.

Ул билгеләп үткәнчә, тавыш бирүчеләр тарафыннан 3,7 мең символ тәкъдим ителгән, шуларның 18се генә 5 меңнән артык тавыш җыеп, беренче баскычны узган. Алар арасында Казан Кремле, Кол Шәриф мәчете бар. Хәзер исә Казан (Идел буе) федераль университеты өчен дә актив рәвештә тавыш бирү бара. “Мәскәү, Краснодар крае, Мәскәү һәм Сверловск өлкәләрендә яшәүчеләр актив рәвештә символлар өчен тавыш бирә. Әлеге процесста актив катнашучы 10 төбәк арасында Татарстан булса да, безнең тавышлар 2,7 процентны гына тәшкил итә. Үзебезнең кунакчыл урыннарны таныту өчен бу гына аз”, – дип саный Илдар Шакиров һәм гражданнарны Казанны тагын да танытачак символлар өчен тавыш бирергә өндәде.

Өч этапта уздырылучы бәйгенең җиңүчеләре 7 октябрьдә билгеле булачак. Конкурс Россия Банкы тарафыннан оештырыла.

Татар-информ

Запись Яңа банкнотларда Казанны танытачак символлар өчен тавышлар әлегә җитәрлек түгел впервые появилась Tatar Today - татар яңалыклары..