Архивы Казан - Tatar Today - татар яңалыклары.

Казанда автобуслар бәрелеште: зыян күрүчеләр бар

Рамиля Валиахметова — Thu, 28 May 2026 11:10:51 +0000

Казанда Горький шоссесында ике пассажир автобусы катнашында юл-транспорт һәлакәте булган.

Сәламәтлек саклау министрлыгы юл-транспорт һәлакәтендә зыян күргән пассажирларның хәле турында аңлатма бирде.

Министрлыкның матбугат хезмәтеннән «Татар-информ»га сөйләгәнчә, медицина ярдәме сорап 10 кеше мөрәҗәгать иткән, аларның хәле уртача дип бәяләнә.

Зыян күрүчеләр арасында дүрт бала бар. Аларны Республика балалар клиник хастаханәсенә (ДРКБ) озатканнар, хәлләре канәгатьләнерлек дип бәяләнә. Юл-транспорт һәлакәте урынында биш ашыгыч ярдәм бригадасы эшләде.

ЧЫГАНАК: https://tatar-inform.tatar/news/dva-krasnobusa-stolknulis-na-gorkovskom-sosse-v-kazani-est-postradavsie-5924302

Запись Казанда автобуслар бәрелеште: зыян күрүчеләр бар впервые появилась Tatar Today - татар яңалыклары..

Салават Фәтхетдинов: «Бездә карлыган җитеште»

Рамиля Валиахметова — Sat, 25 Apr 2026 11:56:28 +0000

Татарстанның һәм Башкортстанның халык артисты Салават Фәтхетдиновның бакчасында карлыган җитешкән. Ышанырсызмы, юкмы, ләкин җырчы социаль челтәрдәге сәхифәсендә шулай дип сөйли.

«Дуслар, сездә ничектер, бездә инде карлыган җитеште. Без елына өч тапкыр җыябыз. Әнә, Әлһия апаның чиләге инде тулган. Июльдә бер тапкыр җыябыз, сентябрьдә бер тапкыр. Сортын әйтә алам, килегез. Дөнья яшәрә, дөнья матурая», – ди ул видеода.

Чыннан да карлыганмы икән бу, әллә инде чәйгә салу өчен карлыганның яшәрә башлаган яфракларымы? Ничек уйлыйсыз?

https://intertat.tatar/video/uploads/3d3e49977823d22a104ec9ae20ba521e.mp4

ЧЫГАНАК: https://intertat.tatar/news/salavat-fatxetdinov-bezda-karlygan-iteste-5879141

Запись Салават Фәтхетдинов: «Бездә карлыган җитеште» впервые появилась Tatar Today - татар яңалыклары..

Быел «Яңа дулкын» фестивале кая узачак?

Рамиля Валиахметова — Mon, 13 Apr 2026 11:27:38 +0000

«Яңа дулкын» халыкара музыка бәйгесе 2026 елда кабат Татарстан башкаласында узачак. Бу турыңа казан мэры Илсур Метшин эшлекле дүшәмбедә сөйләгән.

Шулай итеп «Яңа дулкын» Казанда икенче тапкыр була. «Бу — без көрәшеп алган зур вакыйга. Шәһәр берничә көнгә илебезнең музыкаль башкаласына әвереләчәк. Казан кунакларны кабул итәргә һәм зур чараларны югары дәрәҗәдә оештырырга әзер», — дигән мэр.

Аның сүзләренчә, фестивальне үткәрү урыны итеп Казанны сайлау — шәһәрнең талантлар туа торган урын булуын тагын бер кат раслау мөмкинлеге.

ЧЫГАНАК: https://www.tatar-inform.ru/news/novaya-volna-v-2026-godu-proidet-v-kazani-6023800

Запись Быел «Яңа дулкын» фестивале кая узачак? впервые появилась Tatar Today - татар яңалыклары..

Алия Төхвәтуллина зур шатлыгы белән уртаклаша

Рамиля Валиахметова — Wed, 25 Mar 2026 15:58:31 +0000

Алия Карачурина-Төхвәтуллина Татарстанның атказанган артисты исеменә лаек була

-Мин бу бүләкне зур рәхмәт һәм йөрәгемдәге тирән дулкынлану белән кабул итәм. Бу исем артында — еллар буе тырыш хезмәт, сәхнә, чыгыш алдыннан дулкынлану, үз эшемә һәм тамашачыма булган чиксез мәхәббәт тора. Гаиләмә рәхмәт — ышанычыгыз, терәгегез һәм сабырлыгыгыз өчен. Аеруча тормыш иптәшемә, Ришатка рәхмәт — мине канатландырып торган, терәк булганы өчен. Һәм, әлбәттә, һәр тамашачыма рәхмәт — сәхнәдән тоелган җылыгыз, алкышларыгыз һәм мәхәббәтегез өчен. Аерым рәхмәтемне Татарстан Республикасы Рәисе Рөстәм Нургалиевич Миңнехановка җиткерәм — игътибарыгыз, ышанычыгыз һәм сәнгатькә күрсәткән хөрмәтегез өчен. Фазлеева Ләйлә Ринатовнага да бик зур рәхмәтләрем! Бу минем өчен гади исем генә түгел — ул җаваплылык, алга таба үсәргә, иҗат итәргә һәм үз сәнгатем белән бүлешергә көч бирүче этәргеч. Үз эшемә һәм сезнең һәрберегезгә мәхәббәт белән

В этот праздничный день — День работника культуры — мне выпала высокая честь получить звание Заслуженного артиста Республики Татарстан! – ди җырчы шатлыгы белән уртаклашым.

ЧЫГАНАК: https://max.ru/tatartoday/AZ0lR-nECLw

Запись Алия Төхвәтуллина зур шатлыгы белән уртаклаша впервые появилась Tatar Today - татар яңалыклары..

Казанда Ураза гаете ничек узачак?

Рамиля Валиахметова — Wed, 18 Mar 2026 12:22:28 +0000

20 мартта мөселманнар өчен иң мөһим бәйрәмнәрнең берсе – Ураза гаете узачак. Бәйрәм кайда уза, гает намазлары ничәдә башлана һәм шәһәр транспорты ничек йөриячәк?

Бу атнада Татарстан халкы өч көн рәттән ял итәчәк – җомга көнне, 20 мартта, мөселманнар Ураза гаетен билгеләп үтә. Эшлекле дүшәмбедә шәһәр башкарма комитетының иҗтимагый оешмалар белән элемтә бүлеге җитәкчесе Илгиз Сарманов хәбәр иткәнчә, ял көне Татарстан Рәисе карары белән расланган.

Ураза гаете мөселман календаре буенча Шәүвәл аеның беренче көнендә билгеләп үтелә. Ул Рамазан ае төгәлләнүне белдерә.

Бу көнне мөселманнар намаз укый, шөкер кыла һәм мохтаҗларга булыша. Әлеге бәйрәм туганнар белән очрашып уртак табында сыйлану белән үрелеп бара.

Шәһәр транспорты иртәнге биштән эшли башлый

Гает көнне мәчетләрдә бәйрәм чаралары иртәнге 6:30 сәгатьтә Коръән аятьләре уку белән башланып китә. 7:00 сәгатьтә гает вәгазе булачак, ә 7:30 сәгатьтә гает намазын укый башлыйлар.

Шәһәр халкы мәчетләргә вакытында барып җитә алсын өчен, шәһәр транспорты иртәнге 5:00 сәгатьтә йөри башлаячак.

Үзгәрешләр түбәндәге маршрутларда була:

№ 1, 2, 5, 6, 10, 10а, 15, 23, 29, 30, 31, 35, 35а, 37а, 43, 47, 53, 54, 55, 56, 63, 68, 74, 75, 91 автобуслар

№ 1, 2, 12 троллейбуслар

№ 5 һәм 5а трамвайлары.

Мәчеткә бара алмаган кешеләр өчен Татарстан мөфтие Камил хәзрәт Сәмигуллин вәгазен «ТНВ-Татарстан» һәм «ТНВ-Планета» телеканаллары туры эфирда күрсәтәчәк.

Иске Татар бистәсендә «Рамазан-фест» узачак

13:00 сәгатьтә «Рамазан-фест» узачак. Бәйрәм мәйданчыклары Иске Татар бистәсендә Шиһабетдин Мәрҗани һәм Каюм Насыйри урамнарында ачыла.

Бәйрәм программасында театральләштерелгән чаралар, лекцияләр һәм балалар өчен мастер-класслар планлаштырылган. Кунаклар өчен шулай ук ярминкә һәм татар милли ризыклары сатыла торган фуд-корт эшләячәк. Бәйрәм чаралары бөтен яшьтәге кешеләр өчен каралган.

Ураза гаетендә тәртип һәм иминлекне тәэмин итү өчен шәһәрнең бөтен оператив хезмәтләре җәлеп ителәчәк.

«Барыгызга да якты, матур бәйрәм телибез», – дип мөрәҗәгать итте Казан халкына шәһәр башкарма комитеты башлыгы Рөстәм Гаффаров.

ЧЫГАНАК: https://www.tatar-inform.ru/news/ramazan-fest-molitvy-i-trexdnevnye-vyxodnye-kak-vstretyat-uraza-bairam-v-kazani-6020643

Запись Казанда Ураза гаете ничек узачак? впервые появилась Tatar Today - татар яңалыклары..

Алсу-Азат Фазлыевларның зур куанычы бар

Рамиля Валиахметова — Tue, 16 Dec 2025 08:18:53 +0000

Алсу һәм Азат Фазлыевлар гаиләсендә куанычлы вакыйга. Алар Казанның яңа микрорайоныннан фатир алган. Сөенече белән Азат Фазлыев сторисларында уртаклашты.

«Эшләгән кешегә бар ишекләр ачык. Аллаһы Тәгаләгә чиксез рәхмәтләребез.

Бик тыгыз көн булды. Бик зур рәхмәт котлауларыгыз өчен. Лайклар куясыз, язасыз! Без үзебез дә башкаларның эшләре уң булса, нәрсәдер сатып алсалар шатланабыз. Бу – бумеранг, башкалар өчен шатлансаң, Аллаһы тәгалә сиңа да бирә. 3 ел элек Алсу белән фатир сатып алган идек. Бүген безгә ачкычлар тапшырдылар. Бик матур урындагы йорт, матур фатир. Алга таба да яңалыкларыбыз булачак әле. Аллаһы тәгаләгә зур рәхмәт, безгә юл ачканы өчен. Үз тырышлыгыбыз белән алдык», – дип сөйләде ул.

Җырчыларның күптән түгел генә шәһәр читендәге яңа йортларына күченүләре турында язган идек.

ЧЫГАНАК: https://intertat.tatar/news/ale-alda-tagyn-yanalyklarybyz-bulacak-alsu-azat-fazlyevlarnyn-zur-kuanycy-bar-5877204

Запись Алсу-Азат Фазлыевларның зур куанычы бар впервые появилась Tatar Today - татар яңалыклары..

Казан метросында бәяләр күпмегә арта?

Рамиля Валиахметова — Sun, 07 Dec 2025 08:39:44 +0000

Татарстан Республикасы Министрлар Кабинеты Казан метрополитетында яңа тарифларны раслады. Карар 2026 елның 1 гыйнварыннан гамәлгә керәчәк. Документ рәсми порталда урнаштырылган.

Документта әйтелгәнчә, 1 тапкыр бару өчен билет бәясе 46 сум була. 100 тапкыр бару өчен транспорт картасы белән түләгәндә – 36 сум.

Билгеләнгән нормадан зуррак багаж өчен тариф 46 сум итеп билгеләнгән.

Билет өчен акча белән, банк картасы белән, транспорт картасы яки QR-код ярдәмендә түләп була.

ЧЫГАНАК: https://pravo.tatarstan.ru/rus/file/npa/2025-12/1736705/npa_1736706.pdf

ТАТАР ТУДЕЙ ТЕЛЕГРАМ КАНАЛЫ - https://t.me/tatartoday

Запись Казан метросында бәяләр күпмегә арта? впервые появилась Tatar Today - татар яңалыклары..

Илсөя Бәдретдинов нигә квартирант кызларын чыгарырган?

Рамиля Валиахметова — Fri, 28 Nov 2025 11:40:39 +0000

Казан йортларының берсендә яшәүче хатын һәм аның күршеләре – Татарстанның атказанган артисты Илсөя Бәдретдиновада фатир арендалаучы кызлар арасында низаг чыккан.

Аста яшәүче күрше сүзләренчә, ул 1 ел диярлек төнге шау-шудан интегә. Ханым инде берничә тапкыр полиция дә чакырткан, әмма тәртип сакчылары хокук бозу теркәмәгән.

Әлеге ханым сөйләвенчә, фатир арендалаучылар төнлә тавышлана һәм аның тынычлыгын боза. Төнге тавышлар аңа йокларга комачаулый. Ә кызлар исә гаепне кире кага. Аларның бу ханым белән сөйләшергә тырышып каравы да файдасыз булган, чираттагы гауга белән генә тәмамланган.

Подъезд күршеләре дә кызлар турында яхшы фикердә. Җырчы Илсөя Бәдретдинова да журналистларга үзендә фатир арендалаучы кызларны шәхсән белүен, аларның намуслы булуында шиге юк икәнлеген әйткән. Шулай да, киеренкелекне киметү максатыннан, фатирдан китүләрен сораган.

Шулай ук җырчы участковый һәм күршеләре белән аралашу өчен юрист җибәргән. Илсөя Бәдретдинова, шуның белән бу гаугага нокта куелыр, дип өметләнә, диелә бу хәбәрдә.

ЧЫГАНАК: https://trt-tv.ru/2025/11/25/ilsiya-badretdinova-okazalas-v-czentre-skandala-iz-za-svoih-shumnyh-kvartirantok/

ТАТАР ТУДЕЙ ТЕЛЕГРАМ КАНАЛЫ - https://t.me/tatartoday

Запись Илсөя Бәдретдинов нигә квартирант кызларын чыгарырган? впервые появилась Tatar Today - татар яңалыклары..

Танылган блогер Алия Мәһдиева-Рәҗәповада зур шатлыгы бар

Рамиля Валиахметова — Fri, 07 Nov 2025 08:28:11 +0000

Казанда яшәүче популяр блогер, «Аляска» буларак танылган Алия Мәһдиева-Рәҗәпова икенчегә әни булган. Алар гаиләсендә, уллары Тимга иптәш булып, кыз бала дөньяга аваз салган.

«6 ноябрь көнне безнең принцессабыз туды. Без икенче тапкыр әти-әни булдык», – дип хәбәр итте Алия үзенең блогында.

Блогерның тормыш иптәше Марат – теш табибы. Ул, шулай ук, үзенең шәхси блогын алып бара. Сүз уңаеннан, Алия бәби тапканда, Марат аның янәшәсендә булган. Сабыйны күргәч тә, әти кеше, хис-кичерешләрен тыеп тора алмыйча, елап җибәргән.

Алия язылучыларына авылда яшәүче әбисе белән бик күңелле видеолар төшереп тә танылган иде. Блогерның авыл контентын, әбисен язылучылары ярата.

ЧЫГАНАК: https://intertat.tatar/news/populyar-bloger-ikencega-ani-bulgan-5876450

ТАТАР ТУДЕЙ ТЕЛЕГРАМ КАНАЛЫ - https://t.me/tatartoday

Запись Танылган блогер Алия Мәһдиева-Рәҗәповада зур шатлыгы бар впервые появилась Tatar Today - татар яңалыклары..

Җырчы Иркә ире Артур белән бәйле бер серен ачты

Рамиля Валиахметова — Thu, 06 Nov 2025 07:15:01 +0000

Иркәнең ире Артур аягын югалткан: “Мескенләнеп утыра торган түгел!”

Җырчы Иркәнең тормыш иптәше Артур Шабакаев СВО зонасында бер аягын югалткан. Аңа протез куйганнар.

Артурның минем белән гастрольләргә йөрүе турында хәбәр иткән идем инде. Тегеннән (махсус операциядән) кайткач аз-маз үзгәрешләр булуын аңладыгыз инде. Әмма ул үзен слабый яктан күрсәтеп, мескенләнеп утыра торган егет түгел.

Без аңа бөтен гаиләбез белән ярдәм иттек. Ул хәзер тавыш режиссеры булып, минем командада эшли. Эше бик яхшы килеп чыга, ул булдыра. Артур аппаратура төяп йөри торган “Газель”ны да үзе йөртә.

Мин тормышның үзгәрешле елларында яшим. Һәр сынауны лаеклы узарга тырышам. Башка үзгәрешләр турында әзер булгач сөйләрмен. Рәхмәт минем белән булганыгыз өчен.

Жәлләтер өчен сөйләмәдем. Ел ярым эчендә меңләгән смс килде. Чиста күңелле тамашачым өчен куйдым,

– дип яза Иркә.

ЧЫГАНАК: https://t.me/tatartoday/84583

ТАТАР ТУДЕЙ ТЕЛЕГРАМ КАНАЛЫ - https://t.me/tatartoday

Запись Җырчы Иркә ире Артур белән бәйле бер серен ачты впервые появилась Tatar Today - татар яңалыклары..