Татар бистəсендə Альберт белəн Диана туе узды.

Туй мəҗлескə, кияү белəн кəлəшне каршылауга əзерлəнү белəн башланып китə. Барсы да яшьлəрне җырлар, биюлəр, икмəк, май һəм бал белəн каршы алалар.

Татар гореф-гадәтләре буенча, тормыш йомшак булсын өчен кияү кəлəшне мендəргə куя. Шуннан соң барлык кунаклар да иң тәмле татар ризыклары белән сыйланалар. Азакта кəлəш чəчəк бəйлəмен ыргыта. Туй фотога төшү, бию, җырлар белəн тəмамлана.

Əлеге видео Фəгилə Шəкирова журналистының YouTube каналында 4 көндə 20 230 карау җыйды.
Караучылар видео астында фикерлəре белəн бүлешкəннəр: “Бик матур туй мəҗлесен күрүгə шат. Үзебезнең татар халқының йолалары булган, кəлəш каршылау, килен төшерүне карадым”, “Бик күңелле үткəн туйлары”.

Чыганак: Фәгилә Шәкированың YouTube каналыннан

Запись Фагилә Шакирова Ютуб каналында Альберт белән Диананың татарча туен дистә меңләп кеше карый. Ни була анда? [видео] впервые появилась Tatar Today - татар яңалыклары..

Башкортстандагы онлайн-туйның авторы, тамада Михаил Васильев белән шул хакта сөйләшеп алдык.

Билгеле булганча, коронавирус инфекциясе таралу сәбәпле әлегә яшь гаиләләрне теркәмиләр, туйлар уздырмыйлар.

Михаил Васильев мондый очракта нишләргә икәнен видео аша күрсәтергә булган. Күпләр бу бәйрәмне дөрестән дә чын туйга санап, яшь парларны котлый башлаган. Туй кунаклары исә яңа туган гаиләгә макарон һәм бәдрәф кәгазен бүләк буларак алып килгән. Ә нишләп: хәзерге вазгыятьтә иң кирәкле һәм дефицит товар бит!

− Без хатыным Екатерина белән туй мәҗелесләре уздыру белән ничә ел шөгыльләнәбез инде. Коронавирус сәбәпле, барлык чаралар да кичектерелгәч, аның башына шундый видеоролик төшерү идеясе килде. Онлайн туй ничек булыр иде икән – менә шуны күрсәттек. Бик күңелле килеп чыга бит, – дип сөйләде “ВТ”га Михаил.

Видеодагы кияү һәм кәләш – Вахит белән Лиля чыннан да ир һәм хатын. Аларның туен Васильевлар узган елның җәендә үткәргән. Михаил сөйләвенчә, видеоролик төшергәндә иң кыены актерларны җыеп, катнашырга үгетләү булган.

“Кунакларга” матур киенеп, бәйрәм өстәле ясарга, билгеләнгән вакытка видеоэлемтәгә кушылырга әйтелгән.

– Озак төшердек дип әйтмәс идем. Видеодагы һәр кеше белән аерым видеоэлемтә аша сөйләшеп, ни эшләргә, нинди сүз әйтергә кирәк икәнен аңлаттык. Ягъни, режиссер эше дә читтән торып башкарылды. Төшерү 3 сәгатькә сузылды, монтаж бер көнне алды, – диде Михаил.

Мондый туйларның да уңайлы булуын һәм кесәгә дә сукмавын билгеләп үтте әңгәмәдәшебез.

– Теләк булса, барысын да эшләргә була. Онлайн туйны да үткәрү мөмкин эш! Яшьләр барлык кунакларга ризыкны китереп бирү хезмәтенә заказ бирә, банкеттагы кебек бер үк төрле меню билгелиләр, бүләкләрне исә банк картасына күчерү белән кабул итәләр, бәйрәм теләкләрен, тостны исә онлайн рәвештә тыңлыйлар. Күңелле булсын өчен, әлбәттә, тамада чакырталар. Ул чараны алып бара. Мондый мәҗелескә әзерлек бер атнадан башлап бер айга кадәр сузылырга мөмкин, ничек уздырасың бит инде, – дип аңлатты Михаил Васильев.

Мәгълүмат Ватаным Татарстан

Запись Гаилә кору мәҗелесен онлайн үткәрә башлаганнармы? [видео] впервые появилась Tatar Today - татар яңалыклары..

Ваһапов фестиваленең Гран-при иясе Рәнис Габбазов яшь җырчы Гөлия Сагиева белән никахлашты. Ул да әлеге фестиваль лауреаты икән. 

View this post on Instagram

A post shared by Вагаповский фестиваль (@vagapovfest)

“Син генә бит, син генә,
Минем күңелләремдә…” – дип язып куйган Рәнис үзенең Инстаграмына. 

View this post on Instagram

A post shared by Ранис Габбазов (@ranisgabbazov)

Запись Рәнис Габбазов та «камыт киде», кәләш кем? [фото] впервые появилась Tatar Today - татар яңалыклары..

“Икешәр йөз грант белән… Гранты да, башкасы да, хуш, китте. Әйтәләр, имеш, бу (Крганов оештырган диния мәҗлесе – ред.) аларның дискуссияләр мәйданчыгы булачак. Безнең дискуссия урыны менә монда, Болгарда. Шуның өчен дә өчәүләшеп җыелышабыз.

Сәлам дә бирешик, утырыйк та, чәй дә эчик, киңәшик тә, тәрбиялик тә. Чөнки һәрбер имам пәйгамбәр галәйһиссәләмнең урынындагы кеше. Әгәр тиккә генә эшләргә килеп, хезмәт хакы алам һәм шуның белән гомер кичерәм дисә – андыйлар килмәсен, бүтән кешеләр дә бар. Шәхси эшмәкәрлек белән шөгыльләнсеннәр, фирмалар ачсыннар, әнә анда эшләсеннәр”, диде Таҗетдин.

Чуашстан һәм Мәскәү мөфтие Әлбир Крганов һәм Үзәк диния идарәсе арасында каршылыклар 2013 елның көзендә башланды. 19 ноябрь Болгарда Русия мөселманнары үзәк диния идарәсенең киңәйтелгән пленумы утырышында Кргановны, ышаныч югалту сәбәпле, вазифасыннан алу турында сүз булды. Ул вакытта Крганов Азатлыкка “бу эшне – провокацияне булдырган, безнең Тәлгать хәзрәт белән араны бозарга теләгән, Үзәк диния нәзарәтен таркатырга тырышкан кешеләрнең планнары үтмәячәк”, дигән иде.

Быелның 30 ноябрендә Әлбир Крганов мөфтие булган “Русия мөселманнары диния мәҗлесе” төзелде. Русиянең мөселман дини җитәкчеләре арасында бу оешманы “авыл мәхәлләләре дөньяга китерде”, илдә “мөфтиятләрне таркату, яңа мөфтиятләр төзү дәвам итә” дип белдерүчеләр дә булды.

Запись Русиякүләм билгеле муллалар тарткалаша: Тәлгать Таҗетдин Әлбир Кргановны «сөзә» [видео] впервые появилась Tatar Today - татар яңалыклары..