Архивы Марат Әхмәтов - Tatar Today - татар яңалыклары.

Сара Әхмәтова: “Әгәр Марат министр булмаган булса, бары кешегә файда китерер иде”

Редактор1 editor1 — Wed, 23 Nov 2016 08:47:23 +0000

Татарстанның Авыл хуҗалыгы һәм азык-төлек министры Марат Әхмәтовның әнисе Сара Арча районы Хәсәншәех авылында яши. Кышны исә улы Мансур һәм килене Рузалия тәрбиясендә чыга.

– Маратны министр булсын дип аерым тәрбия бирмәдек, – дип башлады ул сүзен. – Балалар ике ел саен туып тордылар, мин мәктәптә башлангыч сыйныфлар укытучысы булып эшләдем. Декрет ялына китмәгән чаклар да булды. Өйдә каенана белән каената да бар иде. Аларга зур рәхмәт, балаларны тәрбияләргә, аякка бастырырга нык ярдәм иттеләр. Балаларым (ике кыз, өч малай) барысы да тыңлаучан булып үсте. Берсе дә тормышта югалып калмады. Марат министр булмаса да, кешегә файда китерә торган һөнәр иясе булыр иде.

Марат бик тырышып укыды. Эшкә дә батыр булды. Йорт нигезенә ташны уфалла арбасы белән берүзе ташыды. Кечкенәдән җитәкчелек сыйфатлары бар иде анда. Эшне кушып эшләтми, ә абый-апаларына: “Әйдәгез, шулай эшлик, болай итик” дип, үзе башлап, үрнәк күрсәтә иде.

Сара әбинең сүзләренә Рузалия апа да кушылды:

– Студент вакытларында исем китә иде Маратка. Бер утырганда китапның 100әр битен укый. Иртәнге бишләрдә торып, сигез чакрым үтеп Карадуганга бара, шуннан Казанга китә. Университетны да үз тырышлыгы белән кызыл дипломга тәмамлады. Ул әле хәзер дә үзен үстерү өстендә нык эшли.

Марат әфәнденең әнисенә шалтыратмый калган бер генә көне дә юк. Ике арага тузан кундырмый, күчтәнәчләрен төяп ай саен кайта икән.

– Ике атна элек Марат гаиләсе белән кайтып китте, – дип дәвам итә Рузалия апа. – Башлык кигән. Әни: “Улым, мондый баш киеме кимә инде, сиңа болай йөрү килешми”, – ди. Марат исә: “Әни, җайлы ул, мә киеп кара әле”, – дип бирде. Көлештек инде. Әни исә: “Чыннан да җайлы икән шул, башка рәхәт”, – дип куйды. Икенче көнне ук Маратның улы Ленар шундый өч башлык кайтарды. Әнинең авызыннан нокта кадәр генә “кирәк” дигән сүз чыкса да, төнлә ук кайтаралар. Марат әнисенә бик ихтирамлы. Ул аны аерым мәхәббәт белән ярата.

Улы һәм яратып, өзелеп, “кызым” дип торган килене тәрбиясендә яшәсә дә, туган нигезен сагына Сара әби. Инде хәзер үк: “Мартта кайтам, яраннар утыртасым бар”, – дип көннәрне саный икән.

– Әни 45 яшьләрдә авырган. Шуннан соң намазга баскан. Үзе дә: “Авыруларымны җиңәргә догалар ярдәм итә”, – ди. Биш вакыт намаздан соң да бик озак догалар укып утыра. Балаларын да шул юлга өнди. Олы абый, кызы Тәслимә апа, мин – намазда. Марат Готович та бөтен догаларны белә. Аңа да: “Иртәнге намазыңны булса да укы, улым” дип әйткәли, – ди Рузалия апа.

Интертат.ру

Запись Сара Әхмәтова: “Әгәр Марат министр булмаган булса, бары кешегә файда китерер иде” впервые появилась Tatar Today - татар яңалыклары..

Авыл хуҗалыгы министры Марат Әхмәтовның Мәскәүгә китү-китмәве билгеле булды

Редактор1 editor1 — Wed, 31 Aug 2016 16:18:29 +0000

17 ел дәвамында Татарстанның авыл хуҗалыгы министры булган Марат Әхмәтов Русиянең Дәүләт думасына депутат булып китәчәк. Бу хакта Татарстан Президенты Рөстәм Миңнеханов үзе хәбәр итте.

Рөстәм Миңнеханов авыл хуҗалыга министры эшен дәвам итәргә 5-6 кеше теләк белдергәнен дә әйтеп узды.

Алар арасында авыл хуҗалыгы университетында белем алган, 15 ел дәвамында Актаныш районы башлыгы булып торган, хәзер мәгариф һәм фән министры Энгель Фәттәхов.

Икенче кандидат – Татарстан авыл хуҗалыгы фәнни-тикшеренү институты директоры Марсель Тагиров. Әлеге институт нигезендә ел да “Кыр көннәре” уза. Шуны да әйтергә кирәк, Марсель Тагиров ике ел дәвамында Марат Әхмәтовның урынбасары булып торган.

Марат Әхмәтовның хәзерге урынбасарлары да министр эшен дәвам итә ала. Мәсәлән, 33 яшьлек Марат Җәббәров.

Лаеш районы башлыгы Михаил Афанасьев та эш урынын алмаштырырга мөмкин дигән фараз бар. Михаил Афанасьев Марат Әхмәтов кебек Казан дәүләт ветеринария медицинасы академиясен тәмамлаган.

“Рөстәм Миңнеханов әле үзе дә яңа министрның кем булуын хәл итмәгәндер дип уйлыйм. Чөнки Марат Әхмәтов кебек җитәкчене табу шактый авыр,” дип фекерләре белән бүлеште Русия Дәүләт Думасының Аграр мәсьәләләр комитеты рәисенең беренче урынбасары Айрат Хәйруллин.

Вечерняя Казань

Фото: realnoevremya.ru

Запись Авыл хуҗалыгы министры Марат Әхмәтовның Мәскәүгә китү-китмәве билгеле булды впервые появилась Tatar Today - татар яңалыклары..

Авыл хуҗалыгы министры телефоны белән Татарстан басуларыннан фоторепортаж төшерә [фото]

Редактор1 editor1 — Thu, 28 Jul 2016 10:55:10 +0000

Авыл хуҗалыгы министры Марат Әхмәтов кызу урак өсте вакытында Татарстан районнарына барып, урып-җыю эшләре белән якыннан танышып йөри.

Июль ае – авыл хуҗалыгы өчен эшнең иң кызган вакыты. Марат Әхмәтов та бу көннәрдә Татарстан районнары буйлап басуларны тикшереп йөри.

Эше тыгыз булуына карамасатан, иген кырларын, чөгендер, кукуруз басуларын фотога төшереп, Инстаграм битенә урнаштырып бара. Кайсы район күпме уңыш җыйганын, нинди сорт бодай үстергәнен дә язып куярга өлгерә.

Марат Әхмәтовның язылучылары да әлеге фотоларны бик ошата, фотоларның профессиаональ итеп төшергәненә дә игътибар итә. Шулай итеп, бер язылучы карабодай басуы фото астына: “Әйе, эххх диярсең шул, шундый оста төшерелгән фото, мин хәтта бодай кырының исен сизәм”, дип язып куйган

Кочле бодай кыры…

Фото опубликовано Марат Ахметов (@marat.akhmetov.mcx) Июл 20 2016 в 11:19 PDT

Кукуруза басуы.

Фото опубликовано Марат Ахметов (@marat.akhmetov.mcx) Июл 20 2016 в 6:02 PDT

Запись Авыл хуҗалыгы министры телефоны белән Татарстан басуларыннан фоторепортаж төшерә [фото] впервые появилась Tatar Today - татар яңалыклары..

Министр Марат Әхмәтов эшеннән китә диючеләрне сүзсез калдырды [видео]

Габдулла Тукай — Tue, 29 Mar 2016 21:48:38 +0000

Татарстан авыл хуҗалыгы министры Марат Әхмәтов Русия Дәүләт Думасы сайлавы праймеризларында катнашса да, депутат булып китәргә ашыкмавын, праймеризга җитәкчелек кушуы белән генә чыгуын әйтте.

29 мартта Татарстанның авыл хуҗалыгы министры белән матбугат очрашуы язгы чәчүгә әзерлеккә багышланса да, Азатлык хәбәрчесе әлеге чарага башка төсмер бирде. “Чәчүгә әзерлекне сөйләдәгез, ә уңышны сезнең белән бергә җыярбызмы икән? Алда Мәскәү, Дәүләт думасы көтә түгелме…?” дигән соравыбыз Марат Әхмәтовны башта елмаерга мәҗбүр итте.

“Минем уңышны җыеп аласым килә. Ничек инде ул, чәчеп калдыр да, кемдер җыйсын. Үз чәчкәнемне җыярга кирәк, әлбәттә. Әлегә бит праймериз, унлап хөкүмәт әгъзасы катнашабыз. Кемнәр ни дәрәҗәдә нинди рейтинг алырлар. Әле җәй уртасында праймериз үтәсе бар. Вакыт күрсәтер”, диде ул серле караш белән.

Министр сүзләренчә, ул “Бердәм Русия” фиркасеннән Дәүләт Думасына депутатлыкка намзәт буларак Татарстан президенты Рөстәм Миңнеханов йөкләмәсе белән бара. Праймериз аның өчен яңалык түгел, Әхмәтов президент праймеризында да катнашкан иде. “Минем рейтинг ул вакытта да начар түгел иде. Халыкның ышанычын күрсәтә торган сынау бу”, ди түрә.

Азатлыкка биргән җавабыннан Әхмәтовның министрлык эшен калдырырга теләмәве сизелде, әмма президент әйткәнне дә үтәргә кирәк.

“Әлегә очрашулар уздырабыз, иртәгә, мисал өчен, мин Алексеевски районы халкы белән очрашачакмын. Аннан соң дебатлар үткәреләчәк. Ел уртасында узачак праймериз нәтиҗәләреннән соң, укларның кайсы якка, кем кайсы якка күрсәтүен белербез. Мин Дәүләт Думасына бару турында хыялланмыйм. Берәүне дә көч кулланып анда җибәрмиләр. Вакыты җиткәч, тиешлесен сайларбыз”, дип Марат Әхмәтов министрлыктан Думага китү-китмәү соравын ачык калдырды.

Кайбер күзәтүчеләр авыл хуҗалыгы министрының үз урынында калачагын әйтә, исемнәрен әйтергә теләмәгән министрлык вәкилләре дә шул фикердә. Әхмәтовның Дума сайлавында катнашуы республикадагы сәяси активлыкны күрсәтү өчен генә кирәк булып чыга.

Запись Министр Марат Әхмәтов эшеннән китә диючеләрне сүзсез калдырды [видео] впервые появилась Tatar Today - татар яңалыклары..