0,5-0,6кг фарш (тәмләткечләр кушылган), 3-4 пешкән йомырка, 2-3 чи йомырка, әзер катламлы камыр (слоенное тесто)

Пешерү тәртибе:

Фаршка теләгәнчә тоз, борыч, тәмләткечләр салып бутыйбыз. Камырны җәябез. Камыр өстенә фаршның яртысын җәябез дә, урталайга киселгән пешкән йомыркаларны тезәбез. 3нче кат итеп калган фаршны җәйбез. Камырны фарш өстеннән “үреп чыгабыз”.

Әзер рулетны йомырка белән майлыйбыз. Теләгән кеше кунжут та сибә ала. Рулет 40-45 минут 200-220 градус кызулыкта пешә.

Ашларыгыз тәмле булсын!

Запись Итле рулет рецепты впервые появилась Tatar Today - татар яңалыклары..

Әзерләү тәртибе: йомыркаларны пешерергә, яшелчәләрне юарга.

Лавашны майонез белән сыларга һәм бер рәт салат яфракларын җәяргә.

Икенче рәткә угыч аша чыгартылган йомыркалар җәелә.

Өченче рәткә краб таякчыклары куела. Аларны турамыйча гына җәеп салсагыз да була.

Дүртенче рәткә вак итеп, озынча туралган кыярлар куябыз.

Лавашны тыгызлап рулет итеп төрәбез. Фольгә яки пленкага тагын бер кат төреп, 1-2 сәгатькә суыткычка куеп торабыз.

Рулетны 4 см калынлыкта кисәбез һәм табынга бирәбез.

Запись Лаваштан тәмле рулет рецепты впервые появилась Tatar Today - татар яңалыклары..

Камыр әзерләү: Камырны кибеттән дә сатып алып була. Бүгенге көндә лаваш камырын сәүдә нокталарында табу авыр түгел. Камырны үзегез дә ясый аласыз. Мәсәлән, кыстыбыйга кебек камыр әзерләп була. Моның өчен йомыркага бераз тоз, сыек май, каймак яисә майонез, бераз су кушып болгатабыз һәм кирәгенчә он салып йомшак итеп камыр басабыз. Камырны кечкенә кисәкләргә бүлеп, юка итеп, түгәрәкләп җәяргә кирәк булыр. Җәелгән камырны майсыз табада ике ягыннан пешереп алырга. Шулай итеп, камырыбыз әзер.

Эчлек әзерләү: Кирәк булачак – пекин кәбестәсе, помидор, кыяр, маслины, бераз суган, корейча әзерләнгән кишер, сыр, тавык итте. Соус өчен – майонез, томат пастасы яисә кетчуп, горчица, каймак, тәмләткечләр.

Шаурманы һәр кеше үзенә яраклаштырып әзерли ала. Мәсәлән, тавык итен вак итеп турап тәмләткечләр белән кыздырып алырга була. Сәламәтлеген кайгырткан кеше итне тозлырак суда да пешерергә мөмкин.

Барлык яшелчәләрне юып, озынчалап юкарак итеп турарга кирәк булыр. Сырны угычтан чыгартабыз.

Соусны да төрлечә ясап була. Майоныз, кетчуп, горчицаны бергә кушып болгатырга мөмкин. Шулай ук каймак, кефир да кулланып була. Мондый соус файдалырак та булыр. Тигез өлештә каймак, кефир, бераз гына майонезны кушып болгатырга. Әлеге соуска укроп, вак угычтан чыгартылган сарымсак һәм төрле тәмләткечләр (карри, хмели-сунели, паприка) кушарга кирәк булыр.

Шаурманы җыябыз: Камырны бераз соус белән майлап чыгабыз да, тавык итен төзәбез. Ит өстенә туралган яшелчәләр куела, ахырдан сыр белән соус салына. Камырна тыгыз рулет итеп төрәбез. Шаурманы майлы табада кыздырып алырга да мөмкин.

Ашларыгыз тәмле булсын!

Запись Өйдә әзерләнгән шаурма рецепты впервые появилась Tatar Today - татар яңалыклары..

 Рулетны пешерү тәртибе:

1. Алманы чистартырга һәм угыч аша чыгартырга. Әзер алманы көнбагыш мае белән майланган табага тигезләп салырга.
2. Йомырка агын сарысыннан аерабыз. Йомырка агына шикәр комын кушып, күпергәнче яхшылап болгатабыз. Аннары берешәр-берешәр йомырка сарысын салабыз. Бераз көнбагыш мае да кушыла. Он, кокос стружкасын салып, сыеграк камыр басыла. Камыр әзер булгач, алма өстенә тигезләп агызырга. Әлеге корж 180 градус кызулыкта 20 минут чамасы пешә.
3. Корж әзер булгач, табаны духовкадан чыгарабыз һәм дымлырак сөлге белән каплап торабыз. Бераздан  камырны әйләндереп сөлге өстенә төшерәбез һәм рулет итеп төрәбез.
4. Рулет суынып беткәч, өстенә эретелгән ак шоколад агызабыз

Запись “Карлы” рулет рецепты впервые появилась Tatar Today - татар яңалыклары..