Архивы СалаватФәтхетдинов - Tatar Today - татар яңалыклары.

Салават абый хатыны Ләйсән туган көне ничек үтә, кемнәр була? [видео]

kadria — Wed, 29 Jul 2020 10:55:48 +0000

// Татар тудей // Татар Бүген //

28 июль көнне Салават Фәтхетдиновның хатыны Ләйсәннең туган көне гөрләп узды.

Мәҗлесне Салаватның укучысы – Рифат Зарипов алып барган. Кунаклар арасында артистлар да күп булган: Вадим Захаров, Илсөя Бәдретдинова, Зөлфия, Җәвит Шакировлар һәм башкалар!

Салават Фәтхетдиновнын хатынын күп кеше белми, “Нигә ул сәхнәдә җырламый?”, дигән сораулар да килгәләде. Салават Фәтхетдинов бу сорауга болай дип җавап биргән иде:

-Ләйсән бервакытта да җырламаячак. Ул инде 31 ел минем хатыным булып эшли. Һәм бик уңышлы. Ул үзе дә, мин дә аның сәхнәдә җырлавын теләмибез. Гаилә тормышыбызның беренче көненнән үк кемнең нәрсә белән шөгыльләнәчәген хәл иттек.

Чыганаклар: Җәвит Шакиров, Зөлфия Шакирова, Илсөя Бәдретдинова инстаграм битләреннән

Запись Салават абый хатыны Ләйсән туган көне ничек үтә, кемнәр була? [видео] впервые появилась Tatar Today - татар яңалыклары..

Салаватка җырлар язучы Идел Нургалин аның Elvin Grey белән мөнәсәбәтләренә ничек карый?

Лейла — Wed, 14 Aug 2019 06:19:07 +0000

//Tatar Today// Ләлә Маннанова//

Салават абый Фәтхетдиновның 31 сезоны гөрли. Ул анда яшь җырчы Идел Нургалинның да җырын башкарган. Без Иделдән Салават абый белән танышу тарихы белән кызыксындык, татар-башкорт эстрадасы турында фикерләрен сораштык.

— Салават абый Фәтхетдинов яңа 31нче сезонында сез язган җырны җырлый. Салават абый белән ничек таныштыгыз?

— Без Салават абый белән күптәннән таныш, чөнки мин 2008-2014 еллар Башкортостанның халык артисты Вильдан Яруллин командасында жырчы-музыкант буларак эшләдем. Ә алар бик якын дуслар. Шулай булгач Казанга күп тапкырлар Салаватка кунакка баргаладык. Кунакка дип юбилей концертларына инде (50 яшъ). Акъсает авылында да,Уфада булса да гел бергә идек.

— Беренче тапкыр Салават абый белән кайда күрешкән идегез?

— Беренче тапкыр 2010 юбилейына барганда күрештек. Концерттан сон кунакка алып кайтты безне. Ул вакытта Рифат Зарипов та, Ришат Фазлиахметов та анда эшлиләр иде.

— Ничек аңа җырыгызны тәкъдим итә алдыгыз?

— Җырны инде яңа сезонга әзерләнә башлагач, Вильдан абый миннән җырлар авторы буларак җырлар сорады. Бер ничәсен җибәрдем һәм ул шушы “Якыннар китә” җырын сайлап алды да инде.

— Җырның сүзләрен дә, көен дә үзегез яздыгызмы?

— Көе дә, сүзләре дә үземнеке.Үземнең концертларда да бу җырны башкарам.

View this post on Instagram

A post shared by 🔥ИДЕЛЬ НУРГАЛИН🔥 (@idel_nurgalin_music)

— Салават абый сезгә кайсы ягы белән ошый, нинди сыйфатларын үрнәк итеп алыр идегез?
— Салават Зәки улы ул чын ир-ат идеалы дип әйтер идем. Төгәл, аз сүзле, кырыс, юмарт, юмор хисле. Очрашкан саен “Ооо, башкорт егетләреее” дип күрешә.

View this post on Instagram

A post shared by 🔥ИДЕЛЬ НУРГАЛИН🔥 (@idel_nurgalin_music)

— Татар-башкорт эстрадасына нәрсә җитми дип уйлыйсыз?

— Татар-башкорт эстрадасына бераз оешканлык җитми кебек. Артистлар бердәмерәк булса яхшырак булыр иде дип уйлыйм. Әйбәт аралашканнары күп әлбәттә, ләкин бу аралашу күп очракта күз буяу гынадыр кебек. Бердәмлек булса дәүләт кимәлендә дә эстрадага игътибар артыр иде.

— Башкорт эстрадасы татар эстрадасыннан нәрсәсе белән аерыла?

— Татар-башкорт эстрадасы аермасын әлегә әйтә алмыйм, ләкин проблемалар бердер дип уйлыйм.

— Сез милләтегез буенча татармы?

— Милләтем буенча мин чиста башкортмын. Башкортстанның Бөрҗән районы Агыйдел бистәсеннән.

— Рус милләтеннән булсам зур уңышларга ирешеп булыр иде дигән уйлар килмиме?

— Эш милләттә түгелдер. Кем генә булсаң да бар нәрсә кешенең үзенән тора. Хәзерге заманда тырышкан кешегә бөтен мөмкинлекләр дә бар.Үз милләтем белән горурланам һәм башка милләтне дә хөрмәт итәм.

— Элвин Грей да Башкортстаннан, аның уңышы нидә дип уйлыйсыз, аның кебек популяр булырга теләр идегезме?

— Радикны күптәннән беләм. Үзе аранжировкалар яза, җырлар яза, тырыш та. Продюссер белән эшләп китүе һәм күп еллар тату эшләүләре дә бик нык алга этәрде. Генерал булырга хыялланмаган солдат, начар солдат инде ул.

— Элвин белән Салават абый дуслашуын теләр идеңме, алар чын-чынлап сөйләшми микән бер-берсе белән?

— Сәхнәдә һәр кемгә урын җитә. Салават абый ул эстраданың аксакалы, моң патшасы, халыкчан җырчы.
Радик – ул коммерция проекты, креатив, яңа алымнар кертүче. Алар икесе ике төрле юнәлеш. Аларны дошманнар итеп күрергә ярамый. Әммә алда әйткән бердәмлек булса күпкә яхшырак булыр иде.

Запись Салаватка җырлар язучы Идел Нургалин аның Elvin Grey белән мөнәсәбәтләренә ничек карый? впервые появилась Tatar Today - татар яңалыклары..

Салават Фәтхетдинов бакчасында карлыган җыючы Җәннәтне күрсәтте [видео]

Лейла — Wed, 17 Jul 2019 10:17:24 +0000

//Tatar Today//

Татарстанның һәм Башкортстанның халык артисты Салават Фәтхетдинов инстаграмына бакчаларында карлыган җыйган видеоязма урнаштыра.

Иң кечкенә эшче – җырчының оныгы Җәннәт. Кечкенә кызчык карлыган җыеп утыра. “Иии, уңган да инде”, -диеп мактап тора аны бабасы – Салават Фәтхетдинов.

View this post on Instagram

A post shared by Салават Закиевич Фатхутдинов (@salavat_fatkhutdinov_official)

Мәгълүмат Салават Фәтхетдиновның инстаграмыннан алынды

Запись Салават Фәтхетдинов бакчасында карлыган җыючы Җәннәтне күрсәтте [видео] впервые появилась Tatar Today - татар яңалыклары..

Салават Фәтхетдинов “Татар җыры”на килмәвенең сәбәбен аңлатты

Редактор1 editor1 — Mon, 19 Dec 2016 19:37:25 +0000

17 декабрь көнне Казанның “Пирамида” күңел ачу комплексында узган унҗиденче “Татар җыры” халыкара фестивалендә быел Салават Фәтхетдинов катнашмады. Моның сәбәбен җырчы фестивальнең үзе өчен инде кызыгы бетүе белән аңлатты.

//Татар-информ//

Җырчы бу фестиваль оештырылганнан бирле – 2000 елдан катнашты. Аңа ел саен “Алтын барс” сыны (2010 елда – ике сын) тапшырылды. Салават Фәтхетдинов, гадәттә, концертны йомгаклап җыр башкара иде.

Быел тамаша Гүзәл Уразова һәм Элвин Грей дуэты белән тәмамланды. Ел саен диярлек “Татар җыры”на нокта куя торган Татарстанның халык, Россиянең атказанган артисты Салават Фәтхетдиновның “Татар җыры”нда чыгыш ясамавын оештыручылар җырчының Мәскәүдәге концертлары белән бәйләп аңлатты.

“Татар-информ” агентлыгы хәбәрчесенә җырчы башка сәбәпне атады.

“Бу минем өчен инде кызык түгел, ел саен бер үк нәрсә, бер үк җырчылар. Яшьләр үссен”, – диде ул.

17 декабрь көнне Казанның “Пирамида” күңел ачу комплексында XVII “Татар җыры” халыкара фестивалендә 20 дән артык җырчыга “Алтын барс” сыны тапшырылды. Быелгы чарада барлыгы 17 номинация иде.

1999 елда уздырыла башлаган фестиваль ел саен декабрь аенда, елга йомгак ясау буларак үткәрелә.

Г.Камал исемендәге Татар дәүләт академия театры артисты, режиссер, Россиянең атказанган артисты Илдар Хәйруллин эстрада җырына классик әсәрләргә куелган кебек бик зур таләпләр куярга кирәкми. “Ул җырлар яшьләргә адресланган, алар “Гөлҗамал” белән “Галиябану” ны гына тыңлап утыра алмый”, – дип белдергән иде.

Татарстанның атказанган артисты Айгөл Бариева: “Бүгенге заманда мондый тамаша үткәрү һәм аны шундый дәрәҗәдә тоту бик авыр хезмәт”, – дип, оештыручыларга рәхмәтен белдерде.

Запись Салават Фәтхетдинов “Татар җыры”на килмәвенең сәбәбен аңлатты впервые появилась Tatar Today - татар яңалыклары..

Салават “Татар моңы”н хатын-кыз эше белән чагыштырды, эшләсә, беркем күрми, эшләмәсә, барысы да күрә

Редактор1 editor1 — Fri, 09 Dec 2016 15:43:44 +0000

6 декабрьда Камал театры сәхнәсендә «Татар моңы» яшь башкаручылар телевизион конкурсының гала-концерты үтте. // Шәһри Казан//

Халык Россиянең атказанган, Татарстанның һәм Башкорстанның халык артисты Салават Фәтхетдинов зәвыгына югары бәя бирә икән. Залда алма төшәрлек тә урын юк иде. Билет бәяләренең 700 сумнан артмавы да зур роль уйнаган, күрәсең.

«Татар моңы» лауреатлары, бер-бер артлы, Сәйдәш вальсы астында сәхнәгә күтәрелде. Тамаша Сәйдә Мөхәммәтҗанованың «Су буйлап» җыры белән башланып китте. Алдагы елларда Сәйдә кунак буларак чыгыш ясаса, быел ул – лауреат. 15 яшьлек җырчы – «Татар моңы»ның иң яшь җиңүчесе. Сәйдәне һәм башка конкурсантларны җиңүләре белән тәбрикләү өчен, сәхнәгә Татарстан Республикасы Дәүләт Советы рәисе урынбасары Римма Ратникова күтәрелде.

– «Татар моңы»ның максаты – төрле төбәкләрдә сибелеп яшәүче сәләтле татар яшьләрен табып, аларны сәхнәгә чыгару. Татарның җыр мирасын торгызуда да әлеге конкурсның өлеше зур, ләкин яшьләргә сәхнәгә чыгу өчен матур җырлар да кирәк. Бәлки яңа җырлар иҗат итүче композиторлар, шагыйрьләр өчен дә аерым конкурс оештырырга кирәктер?! – диде Римма Ратникова.

«Татар моңы» «экзотик» җырчыларсыз да узмады. 22 яшьлек Кытай кызы Юй Хаоны гына алыйк, ул татарча бер сүз белмәсә дә, Сәйдәшевнең «Халисә» җырын бер хатасыз башкарды. Ул Нәҗиб Җиһанов исемендәге Казан дәүләт консерваториясендә укый икән. Шулай ук кырым татары Мәүлия Мөхтамирова, Якутия кунагы Айсен Аммосов чыгышлары да истә калырлык иде.

Бельгиядән килгән Амели исемле кунак кызы да тамашачының йөзендә елмаю уятты. Ул Сөмбел Билалова белән «Сагынырсың» (Гөлфия Вәлиева сүзләре, Нияз Вәлиев көе.) җырын башкарды.

Амелига нибары ун яшь. Шуңа да карамастан, ул дүрт телдә сөйләшә. Әнисе – Казан кызы, заманында кияүгә чыгып, Бельгиягә күченеп киткән. Ләкин гаиләдә татар рухы, татар телен саклап калырга тырыша алар. Амели Брюссельдән ерак түгел бер авылда яши, авыл мәктәбендә белем ала. Сыйныфташларына һәрвакыт Казан, Татарстан турында сөйли икән.

– Казан турында презентацияләр ясыйм, милли ашлар, бигрәк тә чәкчәк турында сөйлим. Әле күптән түгел иптәшләремне бал белән сыйладым. Бельгиядә узган Сабантуйларда катнашам, анда без милли ашлар пешерәбез, – ди Амели.

– Гаиләбездә дәү әниебез җырлый, олы кызым Регина да бик сәләтле. Моңсыз татар гаиләсе юк инде, һәр гаиләдә бер җырчы бар, – ди Амелиның әнисе.

Катнашучыларның күбесе музыкаль белемле, үзешчәннәр аз. Шуларның берсе – Эльвира Рәкыйпова. Үзе бу турыда әйтмәсә, тавышына карап кына профессиональ булмавын аерырлык түгел. Ул «Татар моңы»нда алдагы елларда да үзен сынап караган, ләкин финалга чыга алмаган.

– Минем ул вакытта укытучым юк иде, вокал буенча белемнәр җитеп бетмәде. Хәзер исә бик җитди әзерләндем. Бүген өченче премия лауреаты булдым. Бу миңа канатлар куйды. Үзем инженер-эколог, киләчәктә музыкаль белем алырга уйлыйм. Төрле бәйгеләрдә катнашкан бар, ләкин бу сәхнәгә чыккан җырчылар чыннан да моңлы. Хөкемдарлар да сәләтеңә карап бәя бирә, бар да дөрес, – диде Эльвира.

Гала-концертка «Татар моңы»ның жюри әгъзасы булган Салават Фәтхетдинов үзе йомгак ясады.

– Хатын-кыз өйдә ни дә булса эшләсә, аны беркем күрми, эшләмәсә, барысы да күрә. Менә татар мәдәнияте дә шулай. Без тырыштык: җырчы хатын-кызларны киендердек. 80 сәхнә костюмы булды, һәрберсе ябык, ләкин кабатланмас. Һәр өйдә татарча сөйләшсеннәр, һәр өйдә гармун моңы яңгырасын! – диде ул.

Быелгы «Татар моңы» «Туган тел» җыры белән түгел, Салават башкаруындагы «Мин яратам сине, Татарстан!» җыры белән тәмамланды.

Запись Салават “Татар моңы”н хатын-кыз эше белән чагыштырды, эшләсә, беркем күрми, эшләмәсә, барысы да күрә впервые появилась Tatar Today - татар яңалыклары..