Пешерү тәртибе:

Бәлешне аз сөякле итләч балыклардан – җәен, судак, чуртан, севрюга, мәрсин балык, кырпы һ.б. пешерәләр.

Балыкны чистарткач, салкын суда юып саркыталар. Аннары кул киңлегендә кисәкләргә, һәр кисәкне умыртка сөяге буйлап икегә бүләләр, умыртка сөяген һәм кылчыкларын алгач, һәр кисәккә кирәгенчә тоз сөртеп куялар.

Гадәттә балык бәлешен бүрттергән дөге яки саго кушып пешерәләр.

Балык бәлешенә ачы камыр яхшырак. Камырны майлы табага җәяләр, өстенә тигезләп дөге салалар, аннан соң балык тезәләр, балык өстенә туралган суган, бераз борыч сипкәч, тагы дөге салалар һәм, май сибеп, бәлешнең өстен ябалар.

Аннары өстен чи йомырка белән майлап, мичкә тыгалар.

Балык бәлешен дөгесез дә пешереп була, ул чагында суган күбрәк салына. Дөге урынына бәрәңге боламыгы да салырга мөмкин.

Татар халык ашлары

Запись Балык бәлеше рецепты впервые появилась Tatar Today - татар яңалыклары..

 Кирәк булачак: 1л. сөт, 6-7 йомырка, 1 стакан май, 6-7 аш кашыгы шикәр комы, 1 аш кашыгы тоз, бераз чүпрә, кирәгенчә он.

Җылы сөткә йомырка, май, шикәр,  тоз, чүпрә кушып, йомшак камыр басалар. Камырны караңгы, җылырак урынга 40 минутка калдыралар.

Камыр әзер булгач, кечкенә кисәкләргә бүлергә һәм тәлинкә зурлыгында җәяргә кирәк.

Юканы пичтә пешерсәң тәмле. Аның өчен,майлаган табага камыр җәелә, камырны чәнечке ярдәмендә бераз тишкәләп алалар һәм өстен майлыйлар. Табаны кызган пичтә кызарганчы пешереп алалар.

Юканы духовкада, плитә дә пешереп була, моның өчен камырны әйләндерергә кирәк булачак.

Юка пешкәч, тастымал белән каплап торырга кирәк.

Әлеге ашамлык аш белән дә, чәй белән дә тәмле була.

Ашларыгыз тәмле булсын!

Запись Юка рецепты впервые появилась Tatar Today - татар яңалыклары..