Архивы Татарстан Гүзәле - Tatar Today - татар яңалыклары.

“Татарстан гүзәле” бәйгесендә кызларның никадәр чишенүен күрдек [фотогалерея]

Габдулла Тукай — Thu, 25 Jan 2018 23:46:07 +0000

24 гыйнвар Казанда 2018 елның “Татарстан гүзәле” бәйгесе узды. Финалда республикадан катнашкан 30 кыз арасыннан Камилла Хөсәенова “Татарстан гүзәле”, Гүзәл Мусина “Казан чибәре” исемен яуладылар. Кызлар арасында 14 яшьлекләр дә бар иде. Ничә яшьтән катнашырга кирәклекне оештыручылар билгели. Безнең фотограф элеге чарада булып, Татарстан гүзәлләрен күзәтеп, җиңү яулар өчен никадәр чишенергә әзер булуларын күрдек. //Татар тудей//

Запись “Татарстан гүзәле” бәйгесендә кызларның никадәр чишенүен күрдек [фотогалерея] впервые появилась Tatar Today - татар яңалыклары..

Татар – мөселман дип уйлаган “Бикини гүзәле” Диләрә мөселманлыгын кире какты [видео]

Редактор1 editor1 — Thu, 18 Aug 2016 06:22:46 +0000

“Бикини гүзәле” Диләрә Ялалтынова: “Киемле кыз йомыла, бикини белән чыкканда үзеңне күбрәк күрсәтә аласың”, дип белдерә. Ул православ. Төрле бәйгеләрдә татар милли киемнәре аша Татарстанны танытуын әйтә. //Азатлык радисоы//

16 август Казанда “Идел гүзәле – 2016” Бөтенрусия гүзәллек бәйгесенә багышланган матбугат очрашуында “Бикини гүзәле” Диләрә Ялалтынова да катнашты. “Киемле кыз йомыла, бикини белән чыкканда үзеңне күбрәк күрсәтә аласың”, дип белдерде Диләрә.

Ул төрле гүзәллек бәйгеләрендә үзен Татарстан вәкиле, татар кызы буларак таныта. Аңа беркайчан да син татар кызы бит, ярым шәрә йөрү килешеп бетми дип тәнкыйть белдерүчеләр булмаган.

“Без XXI гасырда яшибез, бу – нормаль күренеш. Әти-әнием моңа уңай карашта. Мин бит өч яшьтән бирле нәфис гимнастика белән шөгыльләнәм. Анда да купальниктан чыгалар. Монда бернинди начарлык юк.

Мөмкинлек килеп чыккан саен, мин татарлыгымны күрсәтергә тырышам. Конкурста Татарстанны тәкъдим иткәндә татар милли костюмын киям. Аның ярдәмендә үзебезнең милләтне, дөньяны, матурлыкны күрсәтергә омтылам. Сораганнарга да, горурланып “Мин Татарстаннан, татар кызы”, дип җавап бирәм. Безнең, “Без булдырабыз! Без бергә!” шигарен дә еш искә төшерәм”, ди Диләрә.

2016 елда Татарстанда иң гүзәл туташ исемен яулаган Диләрә Ялалтынова катнаш гаиләдә үсә. Әтисе татар, әнисе рус. Үзе православ динен тота.

Диләрә Ялалтынова сәхнәдә

Матбугат очрашуы татар кызларының подиумда тән күрсәтеп йөрүләре әхлакыймы һәм дини яктан дөрес булу-булмауга таба борылгач, “Татарстан гүзәле” иҗтимагый оешмасы җитәкчесе Изольда Сахарова да, үзенең әтисенең татар булуын, элек Шәймарданова фамилиясен йөртүен әйтеп, “матурлык – ул халык байлыгы, мәдәниятнең бер өлеше” дип белдерде.

“Безнең планнарда кызларга пәрәнҗә кидертү юк. “Татарстан гүзәле” бәйгесендә, гомумән, тәнгә түгел, кызларның зәвыгына, матурлыгына, акылына, чисталыгына күбрәк игътибар бирелә. Матурлыкка һәрвакыт сокланганнар. Тән күрсәтү ярыймы-ярамыймы дигән сораулар белән урта гасырларга, таш заманаларына кире кайтмасак иде, без артта калган өченче илләрдә яшәмибез”, ди Сахарова.

27 июльдән 5 августка кадәр Самарда 17нче “Идел гүзәле – 2016” Бөтенрусия гүзәллек бәйгесе үтә. Бәйгедә 37 кыз катнашкан. Лениногорски шәһәреннән Диләрә Ялалтынова “I вице Бикини гүзәле –2016” титулына ия була.

Запись Татар – мөселман дип уйлаган “Бикини гүзәле” Диләрә мөселманлыгын кире какты [видео] впервые появилась Tatar Today - татар яңалыклары..

“Татарстан гүзәле” бәйгесе җитәкчесе кызларны сәхнәгә бикини белән чыгаруны яклап журналистларга каршы чыга

Редактор1 editor1 — Tue, 16 Aug 2016 14:52:00 +0000

“Татарстан гүзәле” республика иҗтимагый оешмасы президенты Изольда Сахарова шул исемдәге конкурста кызларга пәрәнҗә кидерү бурычы куелмый дип белдерде.

“Татар-информ” мәгълүмат агентлыгында матбугат конференциясендә оешма президенты “Татарстан гүзәле” конкурсын әхлаклырак итәргә кирәкмиме дигән сорауга җавап биреп, ММЧ вәкилләре белән бәхәскә керде.

“Кызларга пәрәнҗә кидерү планы юк, – дип кырт кисте Изольда Сахарова. – Хатын-кызның матурлыгы тән культурасы белән бәйле. Әмма без тәнне оятсыз итеп күрсәтмибез. Конкурсны оештырганда мин беренче итеп әхлак турында уйланам. Чисталыктан башка матурлык була алмый”.

Аның сүзләренчә, “Татарстан гүзәле” оешмасы конкурста катнашучыларны Россия һәм халыкара конкурсларда катнашу перспективасыннан мәхрүм итә торган төбәк вакыйгасы итү бурычын куймый.

“Мин һәрвакыт кешеләргә, матурлык – халык мирасы, ул һәрвакыт кыйммәт бәяләнгән дип җиткерергә тырышам. Әйдәгез, урта гасырга кире кайтмыйк. Безнең уртак дөнья һәм уртак кыйммәтләр. Без артта калган ил түгел, без цивилизацияле кешеләр. Хатын-кызга күзен генә калдырып пәрәнҗә кидерергә була, һәм алар да оятсыз күренергә мөмкин”, дип саный ул.

Татар-информ

Запись “Татарстан гүзәле” бәйгесе җитәкчесе кызларны сәхнәгә бикини белән чыгаруны яклап журналистларга каршы чыга впервые появилась Tatar Today - татар яңалыклары..