Кичә Тинчурин театрының 85 еллык юбилее уңаеннан Театрның баш режиссеры Рәшит Заһидуллин Әмирхан Еники әсәре буенча “Гөләндәм туташ хатирәсе” мелодрамасын күрсәтте. Спектакльне мәдәният министрының беренче урынбасары Эльвира Камалова да карады. Ул татар театры үсешенә керткән өлеше өчен театр коллективына рәхмәт әйтте һәм Татарстан Республикасы Дәүләт киңәшчесе Минтимер Шәһмиевның тәбрикләү сүзләрен җиткерде.
“Бик авыр заманнарда авыл хезмәтчәннәре ихтыяҗында барлыкка килеп, милләтебезгә ярты гасырдан артык күчмә театр сыйфатында хезмәт күрсәтте. Быел театрга Кәрим Тинчурин исеме бирелүгә 30 ел тулды. Театр бу исемне лаеклы йөртә” – диелгән М.Шәймиевнең тәбрикләү хатында.

Министр урынбасары театр артистлары Гөлчәчәк Хафизова, Гүзәл Гайнуллина һәм Рөстәм Гайзуллинга мактаулы исем бирелүен дә игълан итте.

Исегезгә төшерәбез, быел июль аенда Татарстан Президенты Рөстәм Миңнеханов указы нигезендә Кәрим Тинчурин исемендәге Татар дәүләт драма һәм комедия театры артистлары мактаулы исемгә лаек булды. Гүзәл Гайнуллина, Гөлчәчәк Хафизова һәм Рөстәм Гайзуллинга театр сәнгатен үстерүгә өлеш кертүләре өчен “Татарстан Республикасының атказанган артисты” дигән исемнәр бирелде.

Фото: Инстаграм

Запись Рөстәм Гайзуллин дәүләт бүләге ала [фото] впервые появилась Tatar Today - татар яңалыклары..

Тәслимә Хәләф кызы Фәйзуллина 1953 елның 17 нче июлендә Башкортстанның Бишбүләк районы Дүсән авылында туган. 1972 елда Уфа сәнгать училищесын тәмамлап, Салават драма театры труппасына эшкә алына. 1977 елда Казанга күченеп килә, Республика күчмә театрында (хәзер Тинчурин театры) эшли башлый. 1997 елда Казан мәдәният һәм сәнгать академиясен тәмамлый. ТАССРның атказанган артисты (1991). Татарстанның халык артисты (2008).

Театрда дистәләрчә еллар эшләү дәверендә ул 70ләп роль иҗат итә. Тәслимә Фәйзуллина шулай ук әдәби иҗат белән дә шөгыльләнә – пьесалар тәрҗемә итә. Моннан кала, популяр җырлар авторы да.

Театрда эшләү белән беррәттән Тәслимә Фәйзуллина Казан мәдәният һәм сәнгать университетында актерлык осталыгы дәресләре дә бирә иде.​

Фото: tinchurinteatr.ru

Запись Тинчурин театрында зур югалту… впервые появилась Tatar Today - татар яңалыклары..

15-21 сентябрьдә Казанда VIII Халыкара милли драматургия фестивале бара. Ачылышы 15е Тинчурин театрында үтте. Әлеге чарада Татарстан Дәүләт шурасы рәисе Фәрит Мөхәммәтшин, парламент депутаты Разил Вәлиев, мәдәният министрының беренче урынбасары Эльвира Камалова, Тинчурин театры директоры Фәнис Мөсәгыйтов, театрның баш режиссеры, фестивальнең сәнгать җитәкчесе Рәшит Заһидуллин һәм Дагыстаннан килгән Даргин дәүләт музыкаль драма театрының сәнгать җитәкчесе Мостафа Ибраһимов булды.

“Тинчурин фестивале — Татарстанның гына түгел, Бөтенрусия мәдәни тормышында истәлекле вакыйга. Форумның максатлары изге: милләтләр һәм театрлар арасындагы элемтәне ныгыту, милли драматургияне саклау һәм популярлаштыру”, диде Мөхөммәтшин.

Шулай ук ул фестиваль географиясенең елдан-ел киңәюен билгеләп, быел анда Татарстан, Марий-Эл, Дагыстан, Адыгея, Кыргызстан һәм Оренбург өлкәсе театрлары катнашуын искәртте.

Тинчурин театры директоры Фәнис Мөсәгыйтов фестивальдә катнашучыларны һәм башкала кунакларын чараның ачылуы белән ихластан тәбрикләде, театрны яратканнары өчен рәхмәт белдерде.

Фестивальне татар театрына нигез салучыларның берсе – бөек артист, режиссер һәм драматург Кәрим Тинчурин әсәре буенча куелган спектакль белән ачу матур традициягә әверелде. Бу күркәм гадәт быел да дәвам ителде: фестивальне ачу тантанасыннан соң тинчуринлылар тамашачыларга “Сүнгән йолдызлар” музыкаль трагедиясен тәкъдим итте.

Илнар Харисов видеосы

Запись Тинчуринда театр фестивале ачылышында “Сүнгән йолдызлар” тамашачыларны елатты [видео] впервые появилась Tatar Today - татар яңалыклары..