Архивы ВасиляФаттахова - Tatar Today - татар яңалыклары.

Вәсилә Фәттахова янә тамашачыны елатты [фоторепортаж-видео]

Эльвира Шакирова — Thu, 20 Apr 2017 10:19:05 +0000

19 апрельдә Казанда Вәсилә Фәттахованы искә алу кичәсе уңаеннан хәйрия концерты узды. Чараны мәрхүмнең тормыш иптәше Илгиз оештырды. //Tatar Today//

Концертта Татарстанның һәм Башкортстанның популяр артистлары чыгыш ясады. Аларның барысына да Рәхмәт хатлары тапшырылды. Концерттан җыелган акчалар исә Вәсиләнең улы Кәримне, кызы Камиләне тәрбияләүгә тотылачак.

“Уникс” залында алма төшәрлек урын юк иде. Арабыздан вакытсыз китеп барган Вәсилә турында истәлекле видеолар күрсәтелгәндә, тамашачы хәтта елады.

Запись Вәсилә Фәттахова янә тамашачыны елатты [фоторепортаж-видео] впервые появилась Tatar Today - татар яңалыклары..

Казанда сәхнәдәшләре Вәсилә Фәттахованы искә алып, концерт уздырмакчы [афиша]

Редактор1 editor1 — Sun, 26 Feb 2017 19:17:19 +0000

Эстрада артистлары Татарстанның һәм Башкортстанның атказанган артисты Вәсилә Фәттахованың якты истәлегенә Хәйрия концерты оештыра. Татарстанның һәм Башкортстанның күренекле артистлары катнашкан концерт 19 апрельдә “Уникс” концертлар залында үтәчәк. Бу хакта мәгълүмат концертларга электрон билет сатылу сайтларында урнаштырылган. //Татар-информ//

Концертта Хәмдүнә Тимергалиева, Халидә Бигичева, Нәзифә Кадыйрова, Зөһрә Шәрифуллина, Радик Юльякшин (Элвин Грей), Эльмира Сөләйманова, Азат һәм Алсу Фазлыевалар, Зинира һәм Ризат Рамазановлар, Ришат Фазлиәхмәтов, Ләйсән Гыймаева, Булат Бәйрәмов, Фәридә һәм Роберт Тимербаевлар, Зифа Нагаева, Илназ Баһ, Рамил Галимҗанов, Айфара төркеме, Ләйлә һәм Рөстәм Галиевлар, Руслан Зөлкәрнәев, Илһам Шәриф, Алмаз һәм Айдар Юнысовлар, Айгөл Габдуллина, Лилия Насыйрова, Айдар Фәтхетдинов, Ирек Зарипов, Айнур Такиуллин кебек җырчының дуслары һәм аның хөрмәт иткән яшь җырчылар катнаша. Кичәне Гөлназ Сәфәрова һәм Фирдәт Галиев алып бара.

Мәгълүмат өчен: “Туган як”, “Ялгыз миләш”, “Әтием” кебек хитларны башкаручы популяр җырчы Вәсилә Фәттахова 2016 елның 26 гыйнварында Уфада бала тапканнан соңгы килеп чыккан өзлегүдән хастаханәдә вафат булды. Аңа нибары 36 яшь иде. Җырчының Кәрим һәм Камилә исемле балалары тормыш иптәше Илгиз Гәбдерәкыйпов тәрбиясендә үсә.

Запись Казанда сәхнәдәшләре Вәсилә Фәттахованы искә алып, концерт уздырмакчы [афиша] впервые появилась Tatar Today - татар яңалыклары..

Кеше китә…баласы кала… Вәсилә Фәттахованың кызына бер яшь тулды

Редактор1 editor1 — Fri, 23 Dec 2016 08:59:47 +0000

Узган елның декабрь аенда татар эстрадасының моңлы җырчысы Вәсилә Фәттахова тормышында бер-бер артлы истәлекле вакыйгалар булган иде. 5 декабрьдә җырчыга Татарстанның атказанган артисты исеме бирелде. Ә 22 декабрьдә аның икенче сабые, кызы Камилә дөньяга килде. Бүген Вәсиләнең кызына бер яшь тулды.

//Интертат.ру//

«Камилә 100 процент әнисенә охшаган! Бәлки тора-бара үзгәрер, кемгә охшавын әйтергә әле иртәрәк тә. Әмма карашлары гел әнисенеке инде! Үзем дә аның Вәсиләгә охшавын телим», – дип сөйләгән иде кечкенә Камилә турында Вәсиләнең тормыш иптәше Илгиз Гәбдерәкыйпов.

Мәгълүм булганча, Татарстанның атказанган артисты Вәсилә Фәттахова каты авырудан соң 26 гыйнвар көнне арабыздан китте. Аны югалтуга бер елга якын вакыт узса да, яраткан җырчыбыз Вәсилә һәрвакыт безнең күңелләрдә. Урының җәннәттә, оҗмах түрләрендә булсын, Вәсилә!

Запись Кеше китә…баласы кала… Вәсилә Фәттахованың кызына бер яшь тулды впервые появилась Tatar Today - татар яңалыклары..