Архивы Whatsapp - Tatar Today - татар яңалыклары.

WhatsAppта үзгәрешләр көтелә

Лейла — Fri, 03 Jul 2020 04:44:22 +0000

WhatsApp эшләүчеләре кушымтаны яңартуны анонслады, аңа берничә яңа функция өстәләчәк, дип хәбәр ителә программаның сайтында.

Яңа функцияләрнең төгәл чыгу датасы аталмый, әмма кушымтаның яңартылган версиясе берничә атна эчендә ачык булачак, дип әйтелә.

Кулланучылар бер-берсенә анимацияле стикерлар җибәрү мөмкинлеге булачак. Шулай ук яңа номерлар өстәүдә гадиләштерелгән-QR-код аша.

Моннан тыш, эшләүчеләр төркемле видео-шалтыратулар функциясен дә яхшырттылар. Хәзер аларда сигезгә кадәр кеше катнаша ала, ә һәр катнашучының сурәтен бөтен экранга зурайтырга мөмкин булачак.

Чыганак: РИА-Новости

Запись WhatsAppта үзгәрешләр көтелә впервые появилась Tatar Today - татар яңалыклары..

WhatsAppта хәбәрләр җибәрүгә чикләүләр кертелә

Лейла — Thu, 09 Apr 2020 06:55:57 +0000

Бу чикләү фейклар, чынбарлыкка туры килмәгән хәбәрләр таралу белән бәйле.

Хәбәрләрне төрле кешеләргә таратуны чикләү – ялган мәгълүмат таралу ихтималы аркасында кертелгән. Бу хакта РИА Новости хәбәр итә.

“Узган ел үзебезнең кулланучыларыбызга берничә тапкыр җибәрелә торган хәбәрләр концептын тәкъдим иттек. Алар ике ук белән билгеләнгән. Асылда, мондый хәбәрләр гадәти хәбәрләр белән чагыштырганда шәхси түгел. Хәзер исә, чикләүләр кертергә мәҗбүрбез- ватс апп аша хәбәрне бер тапкыр гына җибәрергә мөмкин “, – диелә компания белдерүендә.

WhatsApp Бөтендөнья сәламәтлек саклау оешмасы һәм милли сәламәтлек саклау министрлыгы белән хезмәттәшлек итә, бары тик әлеге чыганаклардан гына мессенджер кулланучыларына дөрес мәгълүмат бирелә, дип ачыклык керттеләр компаниядә.

Чыганак: Шәһри Казан

Запись WhatsAppта хәбәрләр җибәрүгә чикләүләр кертелә впервые появилась Tatar Today - татар яңалыклары..

Нинди телефоннарда WhatsApp эшләми башлыячак?

Алина — Wed, 09 Jan 2019 06:48:21 +0000

2019 елның 1 гыйнварыннан WhatsApp мессенджеры 1999 елгы Nokia Series 40 операция системасыннан баш тарткан. Бу хакта компаниянең матбугат хезмәте хәбәр итә.

ixbt.com мәгълүматы буенча, Nokia Series 40 системасында эшләүче 1,5 млрд данәдән артык җайланма сатылган булган.

Моннан тыш 2020 елның 1 февраленнән WhatsApp 2.3.7 фаразлы Android кебек ОС базалы смартфоннарда һәм iOS 7дән өлкәннәрендә эшләмәячәк.

Шул ук вакытта мессенджерның кайбер функцияләре алдан ук эшләүдән туктарга мөмкин, дип белдерә җитештерүчеләр.

tatar-inform

Запись Нинди телефоннарда WhatsApp эшләми башлыячак? впервые появилась Tatar Today - татар яңалыклары..

Вируслы видео: Уразова вертолет алган, Тямаев мишәрләр белән шашына, Миңнеханов президент булмый

Редактор1 editor1 — Sat, 31 Dec 2016 09:02:03 +0000

“Татар радиосы” хәзер кешеләрнең җиңел генә бер-берсен таба торган Whats App чатында татар җырчыларының аралашуыннан видео ясаган. Бу оригиналь борылыш татар эстрадасы һәм зыялылары арасында, әлбәттә, җавапсыз калмаган.

//Tatar Today//

Видеоролик җырчы Салават Фәтхетдиновның Whats app’та төркем ясавыннан башланып китә. Беренчеләрдән булып, ул Айдар Галимовны, Габделфәт Сафинны һәм Фирзәр Мостафинны куша.

Аннан Фирзәр: “Монда бик күңелсез әле. Кызлар кирәк. Сез кайда?”, дип язгач, Салават Зәйнәп Фәтхетдинованы, Хәния Фәрхи һәм Хәмдүнә Тимергалиеваны да төркемгә өсти.

Ләкин Мортазинга бу бармый, аңа, дөрестән дә, яшь кызлар кирәк икән. Шулай булгач, чатта Гүзәл Уразова, Ландыш Нигъмәтҗанова, Иркә дә барлыкка килә.

Кызык язулар булмый калмый. Зәйнәп Зөфәрдән ипи сорап яза, аннан гына ул дөрес чатка язмаганын аңлый, Фирдүс үзенең мишәр дусларын төркемгә кушарга сорый, әле быел яулаган дәрәҗә, призлары, Яңа ел концертлары, кем нинди мөлкәт сатып алганы турында да сүз алып барыла.

Миңнеханов белән Шәймиев кына килеп кушылгач, барысы да үзгәрә. Хәзер алар барында андый сүзләр сөйләп булмас бит.

Дөрестән дә, үзенчәлекле һәм кызыклы видео артистларныкы микән дигән сорау да туа бермәлдә. Ләкин бу бары тик уйдырма икән. Идеяны “Татар радиосы”ның баш редакторы Айваз Садыров үзенең башында инде күптәннән йөрткән булып чыкты. Хәзер ул аны чынга ашырган. “Әйе, артистлардан видеоны карап шалтыратучылар күп булды, ләкин негатив бәяләмәләр түгел. Бу уйны күптәннән тормышта кулланасым килде. Һәм менә, ниһаять, бомба булыр дип уйлым”, ди Айваз.

Запись Вируслы видео: Уразова вертолет алган, Тямаев мишәрләр белән шашына, Миңнеханов президент булмый впервые появилась Tatar Today - татар яңалыклары..