Әҗем мәчетен төзекләндерүгә инженер эзләнүләре һәм аны проекцияләү буенча ачык конкурс игълан ителде. Сорауның бәясе- 1 миллионнан артык, элеге эш өчен акча Татарстан Республикасы бюджетыннан түләнәчәк.
Җиңүче, Фәтхуллин урамы, 15 йортта урнашкан, “Әҗем мәчете”н төзекләндерү проектын гамәлгә ашырачак. Бинаны торгызу өчен кирәкле сызымнар әзерләү өчен, анда тикшерү эшләре уздырылыр дип көтелә. Проектлаучы эчке бизәк, сигнализация, мәчетнең алгы ягын һәм манарасын төзекләү эшләрен башкарырга тиеш булачак.
Гаризалар 2016 нчы елның 22 июленә кадәр кабул ителә. Нәтиҗә 26 июлдә ясалачак.
Әҗем мәчете — 19нчы гасыр башы федераль дәрәҗәдәге архитектура һәйкәле. Бинаның мәйданы — 610 кв. м, биеклеге- 14 м. (манарасы белән 65 м.га җитә). Әлеге мәчет 1804 елда төзелгән агач мәчет урынына 1887-1890 елларда салына. Гыйбадәтханә сәүдәгәр Әзимов тарафыннан төзелә. 1930 елда мәчет ябыла һәм 1992 елга кадәр эшләми. 1990- 1992 елларда бина архитектор Биләлов тарафыннан реконструкцияләнә.