Ана кечкенә баланы берүзен ике атнага фатирда калдырган

Хабаровск өлкәсендә ана ике яшьлек баласын берүзен фатирда калдырган. Сабый ике атна дәвамында ашамыйча, эчмичэ әнисен көткән. Ни гаҗәп, бала бик талчыккан булса да, исән калган.

Әлеге коточкыч хәл февраль аенда була. Хабаровск өлкәсендә яшәүче хатын-кыз ике яшьлек улын берүзен калдырып чыгып китә. Күршеләр озак вакыт бала елаганын ишеткәч, полиция хезмәткәрләрен чакыртырга булалар. Ишекне ватып кергәч шул ачыклана, бик хәлсезләнгән,талчыккан сабый балалар кораватында елап утырган була. Соңыннан, ана кешенең инде ике атна өйгә кайтмаганы беленә.  Баланың исән калуы – үзе бер могҗиза!

Әлеге хатынның тагын ике олы баласы булуы да билгеле, ул аларга карата ана хокукыннан мәхрүм ителгән. Гаилә полиция бүлегендә учетта торган булса да, алар янына килеп йөрмәгәннәр һәм баланың нинди шартларда үсүен тикшермәгәннәр.

Хәзерге вакытта хатын кызга каршы җинаять эше кузгалтылган,  ә сабый абый-апасы тәрбиягә алынган гаиләгә бирелгән.

 

Мәгълүмат РИА новости сайтыннан алынды

Загрузка...

Бәйле

Добавить комментарий