Татарстанда ял көннәре кимиячәк.
Татарстан Дәүләт Советы “Татарстанның бәйрәм көннәре һәм истәлекле даталар турында” законына кагылышлы соңгы төзәтүләр кертте. Парламент карары буенча, ял көне республика бәйрәмнәре белән туры килсә, өстәмә ял көне бирелмәячәк.
Законның баштагы версиясе бәйрәм көнен, ял көне белән туры килсә, алдагы эш көненә күчүне рөхсәт итә иде.
Бу закон 10 көннән соң, Татарстан президенты Рөстәм Миннеханов тарафыннан кул куелгач һәм рәсми рәвештә басылып чыккач, тормышка ашачак.
Белгәнебезчә, Татарстанда дүрт өстәмә региональ бәйрәм бар: Республика көне, Татарстан Конституциясе көне, Ураза һәм Корбан бәйрәмнәре.
Мәгълүмат kommersant.ru сайтыннан алынды
Фото: zib.com.ua сайтыннан