Әле бер көн элек кенә, 13 мартта, җырчы Илназ Гарипов гаиләсенә зур кайгы килә: аның әнисе вафат була. Җырчы газиз кешесен югалту турында Инстаграмында моңсу сүзләр яза. //Tatar Today//
«Шушы көннәрдә дөньядагы иң газиз кешемне югалттым… Авыр вакытта калдырмаганыгыз һәм ярдәм кулы сузганыгыз өчен иң яхшы табибларга, якыннарга һәм туганнарга, дусларга, хезмәттәшләргә, якташларга, гомумән, читтә калмаган һәр кешегә рәхмәт әйтәсем килә», дип яза Илназ.