Популяр җырчы, өч бала әнисе Ландыш Нигъмәтҗанованың инстаграмын, башкалардан аермалы буларак, чит ил матурлыклары, кыйммәтле машиналар, тәмле, чит ризыклар фотосурәтләре бизәми. Ул үзенең балаларын социаль челтәргә урнаштырып, кешеләрне сөендерә. //Tatar today//
Ләйлә һәм Гомәр маҗараларын әни кеше #йәйә һәм #гумэч хештыгы белән куя. Ландышка язылучылар да балалар катнашындагы видеоларны зарыгып көтеп ала. Бүген, әнә, Ләйлә, Гомәр һәм әниләре авыл белән танышырга чыккан. Ләйләнең «Нигә агач зур?» дигән соравы гына да ни тора! Ландышка сокланып һәм мактап язган комментарийлар да шактый. «Шул балаларны күрсәм, бөтен арганнарым бетә!», «Татарча матур сөйләшәләр, молодцы!», «Күбрәк куй балаларыңны» дип язучылар да байтак.