Татарстанда ял көннәрендә эссе һава торышы сакланып, температура 33 градус җылы булачак. Татарстан Гидрометеорология һәм әйләнә-тирә мохитне күзәтү идарәсенең матбугат хезмәте хәбәр итүенчә, бүген республикада явым-төшем көтелми.
Төнлә +11..+16˚, көндез +24..+29˚ градус җылылык саклачак.
30 июнь алмашынучан болытлы һава торышы, төнлә +12..+17˚, көндез +26..+31˚ булыр дип фаразлана.
1 июльдә дә синоптиклар матур җәйге көн вәгъдә итә. Республика районнары буенча шулай ук +33˚ка кадәр эсселек саклана.
Фото: alcoexpert.com