14 июль Мамадыш районының Жөри авылында ел саен көтеп алынган «Питрау» республика керәшен мәдәнияте фестивале уза. Төп кунак булып сәхнәдә Россиянең халык артисты Надежда Кадышева җырлаячак. Татарстан, Башкортстан, Чиләбедән унлап фольклор коллективы катанашыр дип көтелә.
Моннан тыш, Тырлау аланында Ришат Төхвәтуллин, Венера Ганиева, Георгий Ибушев, Раяз Фасыйхов, Виталий Агапов, Иркә, Вадим Захаров, Миңгөл Галиев, Алинә Давыдова, Марина Карпова, Ришат Фазлыйәхмәтов, Елена Бичарина, Валерий Шрыков, Лариса Басырова, Римма Никитина, Радик Шәрибҗанов, Рәфинә Ганиуллина һәм «Бәрмәнчек» ансамбле чыгыш ясаячак.
Яшьләр дискотекасы мәйданын Илназ Сафиуллин, Мөнир Рахмаев, Илназ Гарипов, Вилдан Villi, Альбрет Нурминский һәм Фәрид Низамиев кыздырачак. Концертны Ленар Елмай алып барачак. Аңа ярдәм итеп, сәхнәдә диджейлар — Илфат Фәтхрахманов һәм Азат Ситдиков, шулай ук Алмаз Галлямов чыгыш ясаячак.