Татарстанның тикшерү комитеты 23 яшьлек Ангелины К.-га карата җинаять эше ачкан. Хатын-кыз кечкенә баласын үтерергә теләүдә гаепләнә, дип яза Челнинские известия газетасы.
Фаҗига 30 июль Чистайда була. Ике баласы белән танышларына килеп кәеф-сафа корып утыручы хатын ире белән талаша. Конфликт барышында ул үзенә бала кирәкмәвен әйтеп, 3 айлык кызын аягыннан тотып тәрәзәдән ыргыта.
Башы белән бетон җиргә бәрелгән сабый авыр җәрәхәтләр алып, ДРКБга озатыла.
Җинаять эшен тикшерү дәвам итә.
Фото: архив