- ВКонтакте
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- РњРѕР№ Р В Р’В Р РЋРЎв„ўР В Р’В Р РЋРІР‚ВВВВВВВВРЎР‚
- Viber
- Skype
- Telegram
Җырчы Марат Фәйрушин 30 яшен тутырып, 2016 елның 15 апрелендә җырчы кыз Гөлназ Шакирова белән никах укытты. 3 июньдә гөрләтеп туй иткәннәр иде, хәтерлисездер. Шушы көннәрдә Маратның сәхнә артында ялгызы басып торганын күрдем. “Хатының кая?” – дип сораган идем, “Без Гөлназ белән аерылыштык”, – диде…
– Ничек аерылыштыгыз инде, әле өйләнешкәнегезгә ике ел да юк бит?
– Кызганычка каршы, шулай булып чыкты. Без Гөлназ белән бергә түгел хәзер. Аерылышсак та, дошман булып калмадык. Чөнки безне бәйләп торучы кызыбыз бар. Аңа 1,8 яшь.
– Кем, кайда яши хәзер?
– Аерым торабыз. Кызым әнисе янында Казанда. Мин җәй буе Түбән Камада әти-әнием янында булдым. Алга таба Казанга күченеп килергә исәплим.
– Аерылышырлык җитди сәбәп булдымы?
– Сәбәбе бар, ләкин мин аларны әйтә алмыйм.
– Гаиләле кешеләр буразнасына кереп китә алмадың мәллә?
– Юк, анысы авыр булмады. Без матур яшәдек, ачуланышып тордык дип әйтә алмыйм.
– Балаң белән күрешеп торасыңмы?
– Әйе.
– Тагын өйләнергә уйлыйсыңмы соң?
– Өйләнергә инде, гомер буе бер үзем генә яши алмыйм бит. Тик әлегә тормыш корырдай кыз очратмадым…
Автор: Юлия НАСЫЙБУЛЛИНА
ФОТО: https://vk.com/feed
–
–