Казанның 19 номерлы төзәтү колониясендә хөкем ителгән бер кешегә җибәрелгән посылкадан шырпы тартмасында шикле матдә табалар. Бу турыда Җәзаларны үтәтү федераль хезмәте идарәсенең матбугат хезмәте хәбәр итә.
Тикшерүләр күрсәткәнчә шырпы тартмасында 0,16 грамм күләмендә наркотик була. Посылканы җибәрүче Түбән Кама шәһәреннән бер хатын-кыз. Әлеге вакыйга буенча җинаять эше кузгатылган, тикшерү эшләре алып барыла.