//Юлия Насыбуллина //Tatar-today.ru// Фото җырчының Вконтактедагы шәхси битеннән алынды//
Аллаһның барлыгына, берлегенә ышанам, ләкин намаз укымыйм. Ураза да тотып караган юк, ди Нурислам.
Элек мәчеткә йөри идем, хәзер күңелем кайтты. Бервакыт дустым кунакка килгәч, аны Казанның бер билгеле мәчетенә алып бардым. Ишек төбендә яшь кенә малай утыра. «Үзең генә керсәң 200 сум, төркем белән килгәннәргә 600 сум сәдака салу мәҗбүри. Сез ике кеше, төркем булып чутланасыз. Сездән 600 сум» — дип безнең белән сатулашып утыра. Исәнме-саумы юк. Ачу килде дә, борылып кайтып киттек. Сәдаканы сорап алмыйлар. Күңелендә булган кеше 200 сум урынына 2000 итем, 600 урынына 6000 мең сум акчасында салып чыгып китә ул. Нигә соранып утырырга? Аңа түләгәнче мин ул акчаны урамдагы берәр мохтаҗга хәер итеп бирәм. Мәчетләрне бизнес үзәкләренә әйләндереп бетерделәр, акча эшлиләр. Мәчет ул Аллаһ йорты. Анда сатулашып утырырга ярамый», дип үзе белән булган хәл турында сөйләде җырчы Нурислам.