17 ноябрьдә Татарстанның Арча районындагы «Казан-Малмыж» юлында булган куркыныч юл һәлакәтенең кайбер нечкәлекләре билгеле булды, дип яза «Вести КАМАЗА».
Кюветка очкан корея чит ил машинасы руле артында Балтач кешесе булган. Машина хуҗасы һәм бер-берсенә туганнар тиешле дүрт пассажирның да туйга барышлары булган. Берничә тапкыр әйләнеп капланган һәлакәт нәтиҗәсендә ике яп-яшь кыз үлә — 20 яшьлек Илсина С. һәм 24 яшьлек Руфина Х.-ның гомерләре урында ук өзелә.
ЮХИДИ юл-транспорт һәлакәтенең сәбәпләрен тикшерүне дәвам итә.
