ТМTV телеканалында чыгып килүче популяр «ШоуБез» тапшыруының чираттагы чыгарылышы Илсөя Бәдретдинова һәм аның иҗат төркеменә багышланды. Интервью вакытында аягына кызыл эчле галушлар киеп утырган җырчы үзенең командасы белән дә таныштырды, улы Нариман турында сөйләде, алып баручы Дамир Зиннатуллинның чәнечкеле сорауларына да җавап бирде.
Сорауларның күбесенә Илсөя комментарий бирмәде. Кызыл розалар бәйләмен кем бүләк итүен, хәтта быелгы концертында киеп йөргән күлмәкнең бәясен дә атарга теләмәде. Иң мөһиме, җырчы газеталарга басылган гайбәтләргә һәм имеш-мимешләргә нокта куйды.
Фото: инстаграм