Татарстанда урамда туңып калган онкологик авырулы хатын-кызны коткарганнар, дип хәбәр итә Россиянең Гадәттән тыш хәлләр министрлыгының Татарстан буенда дәүләт идарәсе.
«112 ашыгыч хезмәтләр чакырту телефонына Тукай районының Ильбухтино авылы тирәсендәге «Орбита» бакчачылык ширкәтенә караган территориядә урамда ялгыз хатын-кызның туңүы турында хәбәр килеп ирешә», дип яза ведомство.
Ярдәмгә Яр Чаллының коткару отряды вәкилләре чыгып китә. Урамда туңарга калган хатын-кызның онкология белән авыру икәне ачыклана. Аның хәле беткән һәм өенә кайтып җитәргә көче калмаган.
Коткаручылар хатын-кызга ярдәм иткән, аны эчке эшләр бүлегенә илткәннәр һәм полиция кулына тапшырганнар.
Бу хакта тулырак: tatar-inform Фото: https://pixabay.com