Интервью / Төп яңалык

Вәсилә Фәттахованың ире Илгиз өйләнергә уйлыймы? – Акчарлак

Вәсилә Фәттахованың ире Илгиз өйләнергә уйлыймы? – Акчарлак

Җырчы Вәсилә Фәттахова 2016 елның 26 гыйнварында икенче сабыен тапканнан соң өзлегүдән вафат булган иде. Вәсиләнең ире Илгиз Габдерәкыйпов социаль челтәрдә хатынының җырларын еш урнаштыра.

– Вәсилә бөтен туганнар, дуслар белән бик ачык йөзле, аралашучан, якты кеше иде. Һәрбер кешегә күңел җылысын биреп яшәде.

– Вәсилә ханым төшегезгә еш керәме?

– Юк, бер тапкыр гына керде. Төшем бик үк истә калмады, ләкин яхшы төш иде. Өнемдә Вәсиләне уйламаган бер генә минутым да юк.

– Улыгыз әнисе турында сорыймы?

– Юк. Кәрим әнисенең башка кайтмаячагын белә, аңлый. Беренче айларда әнисенең җырларын гел тыңлады. Хәзер бик тыңламый. Телевизордан күрсә, тыныч кына карый да китеп бара. Ә кызыбыз Камилә әнисен белми инде. Аңа 1 атна булганда Вәсилә үлеп китте бит.

– Балаларыгызны тәрбияләргә кем булыша?

– Минем әти белән әни. Бөтен җаваплылык минем өстемдә. Улыбыз Кәрим әзерлек курсларына йөри, быел мәктәп бусагасын атлап керәчәк, Алла бирса. Шулай ук бассейнда йөзәргә йөри. Улым әнисенә охшаган. Бервакыт әбисенә: “Нәнәй, әнием озак яши алмады. Карт әтәй белән сез яшәгез инде. Сезнең озак яшәвегезне телим”, – дип әйтеп куйды. Балалар әбисе белән бабасын бик ярата.

– Вәсилә ханымның җырлары язмышы ничек хәл ителер? Бүгенге көндә эстрадада ул җырларны җырлый алырдай кеше күрәсезме?

– Җырлар Вәсиләнең архивында калачак.

– Балаларга әни кирәк. Өйләнергә уйламыйсызмы?

– Әйе, балаларга ана назы, ана җылысы җитми. Еллар узган саен миңа авыррак. Шулай да өйләнергә уйламыйм.

Акчарлак газетасы архивыннан

Фото: https://vk.com
Загрузка...

Добавить комментарий

Такой e-mail уже зарегистрирован. Воспользуйтесь формой входа или введите другой.

Вы ввели некорректные логин или пароль

Sorry that something went wrong, repeat again!