Чәршәмбе көнне, 10 июль иртәсендә, «Внуково-Вилладж» кунакханәсенең номерларының берсендә җыештыручы кызның үле гәүдәсен таба. Яшь кыз су белән тутырылган ваннада яткан, шул ук вакытта аның киеме үзендә булган, дип яза “Комсомольская правда”.
Отель хезмәткәрләре шунда ук полициягә шалтыраталар. Тикшерүләргә караганда кызны буып үтерәләр.
Бу 23 яшьлек стюардесса Альбина Мөхәммәтҗанова була. Газета мәгълүматлары буенча, әлеге кунакханәдә кыз берничә тапкыр туктаган була. Бер тәүлекалдан ул монда бер егет белән номер ала.
Хәзер ирне полиция эзли, әлегә аның шәхесен ачыклый алмаганнар. Башкала прокуратурасы хәбәр иткәнчә, «кеше үтерү» маддәсе буенча җинаять эше кузгатылган.
Чыганак: Комсомольская правда