Республикада һава торышы атмосфера фронтлары йогынтысында үзгәрәчәк.
21 июль көндез Татарстанда урыны белән яңгырлар явачак. Бу хакта Гидрометеорология һәм әйләнә-тирә мохитне күзәтү идарәсе хәбәр итә.
Шулай ук республикада һәм Казанда көндез һәм кич яшен булырга мөмкин. Көньяк-көнбатыштан исә торган җилнең тизлеге 15-20 метрга кадәр көчәячәк, дип кисәтә синоптиклар.
Төнлә 12, көндез 21-26 градус җылы булачак.
Метеорологларның алдагы фаразлары буенча, Татарстанда һава торышы үзгәрү атмосфера фронтларына бәйле.
Мәгълүмат: tatar-inform