Татарстанда ҺАВА ТОРЫШЫ тагын нинди «сюрпризлар» эзерләгән?

-- Лейла

Киләсе атна башында Казанда һава температурасы 13-15 градус җылыдан артмаячак.  Якшәмбе, 28 июльдә, Татарстанда җылы көннәр кинәт килгән салкыннар белән алмашачак. Бу турыда Россия Гидрометеорология һәм әйләнә-тирә мохитне күзәтү үзәге хәбәр итә.

Россиянең Европа өлеше төньягында төньяк полюстан килгән салкын һава шимбә көнне, 27 июльдә хөкем сөрәчәк. Төньяк-көнчыгышта юеш кар да яварга мөмкин. Салкын һава массасы 28 июльдә урта полосага да килеп җитәчәк.

«Һава температурасы климат нормасыннан 8 градуска, ә урыны белән 10 градуска түбән булачак. Кайбер шәһәрләрдә иң түбән температура күзәтелергә мөмкин», дип хәбәр итә синоптиклар.

Метеорологлар фаразлары буенча, 28 июльдә Татарстан территориясендә һава температурасы 4 градуска, ә 29 июльдә 8 градуска нормадан түбән булачак.

28 июльдә көндез Казанда 20 градус җылы булачак. Ә 29 июльдә – 15 градус, 30 июльдә 13 градус җылы көтелә.

Чыганак: Татар-Информ
Загрузка...

Бәйле

Добавить комментарий