Камчаткадагы хатынның ике баласын диңгездә батыру сәбәпләре ачыкланган

-- Лейла

Камчатка краеның хокук саклау органнары Вилючинскида яшәүче хатын-кызның ике баласын диңгезгә батыру сәбәпләрен ачыклаган.

Тикшерү версиясе буенча, Вилючинск шәһәрендә яшәүче 27 яшьлек хатын-кыз Крашенинников бухтасында ике баласын — биш яшьлек улын һәм бер ярым айлык кызын – бергә яшәгән ирнең сулга йөрүенә үч итеп, батырып үтергән. Россия Тикшерү комитетының төбәк Идарәсе җинаять эше кузгаткан, аны тикшерүне ведомство башлыгы Александр Бастрыкин үз контроленә алган. Чыганак сөйләвенчә, шаһитлар, малайны үзенә бәйләп, кызны кулына алып, суга керүен күреп ала. Кешеләр шунда ук полиция чакырткан, алар аңа кадәр көймәдә генә барып җитә алган. Бу вакытка балалар инде тончыккан, хатын-кызны коткарып кала алганнар, ул зыян күрмәгән. Башлангыч мәгълүматлар буенча, хатынны өметсез адымга барырга мөнәсәбәтләрдә булган ир-атның хыянәте этәргән. Парның ай ярымлык уртак кызы булган. Тикшерү билгеләгәнчә, хатын Вилючинскида инженер булып эшләгән һәм Н. Э.Бауман исемендәге Мәскәү дәүләт техник университетын тәмамлаган.

Чыганак: www.mk.ru
Загрузка...

Бәйле

Добавить комментарий