Электр җиһазының төзексезлеге аркасында Татарстанда янгын вакытында хатын-кыз һәлак булган. Бу хакта Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.
«16 сентябрь төнлә министрлыкка Тәтештә шәхси йорт януы турында хәбәр килде. Янгын өч квадрат метрга зыян китергән», — дип сөйләделәр министрлыкта.
Янгын сүндерүчеләр 53 яшьлек хатын-кызның мәетен тапкан.
Беренчел мәгълүматлар буенча, янгын электр җиһазын файдалану кагыйдәләрен бозу аркасында чыккан.
Мәгълүмат: tatar-inform.tatar